ՀՀ էներգետիկայի և բնական պաշարների նախարար Երվանդ Զախարյանը կմեկնի Իրան' Թեհրանում կայանալիք միջկառավարական հանձնաժողովի հերթական նիստի նախաշեմին, լրագրողներին տեղեկացրեց ՀՀ-ում Իրանի դեսպան Մոհամադ Ռեիսին:
Միաժամանակ դիվանագետը չնշեց այցի և հանձնաժողովի նիստի ամսաթվերը:
«Հնարավոր է, որ նախարարը կքննարկի Հայաստանի տարածքով գազի տարանցմանը վերաբերող հարցեր», - ուրբաթ մամուլի ասուլիսի ընթացքում ասաց Ռեիսին:
Նա ընդգծեց, որ իրանական կողմը բազմիցս հայտարարել է, որ պատրաստ է համագործակցել Հայաստանի հետ բոլոր ոլորտներում, սակայն, նրա խոսքերով, Հայաստանի տարածքով գազի տարանցումը սկսելու համար հարկավոր է համապատասխան ենթակառուցվածք ստեղծել, և, մասնավորապես, համապատասխան տրամագծի գազամուղ անցկացնել:
«Եթե համապատասխան ենթակառուցվածք ստեղծվի և համապատասխան տրամագծով գազամուղ անցկացվի Հայաստանի տարածքով գազի տարանցումը կազմակերպելու համար, ապա մենք որևէ խնդիր չենք տեսնում այդ գործընթացի կազմակերպման հարցում», - ընդգծեց դեսպանը:
Նրա խոսքերով՝ այդ ենթակառուցվածքի ստեղծման հարցը առաջին հերթին, կախված է ներդրումներից:
«Երկաթուղու շինարարության համար 4 մլրդ դոլարի ներդրումներ են հարկավոր: Նույնը կարելի է ասել նաև գազատարի ստեղծման մասին, ինչի համար հսկայական ֆինանսական ներդրումներ և ժամանակ է հարկավոր», - նշեց նա:
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться