Բնակարանների գները մայիսին Երևանում աննշան աճել են, իսկ մարզերում չեն փոխվել

Երևանում բնակարանների միջին շուկայական գները 2014 թվականի մայիսին, 2013թ. նույն ժամանակահատվածի համեմատ, աճել են 0,04%, ասվում է Հայաստանի անշարժ գույքի պետական կադաստրի հաշվետվության մեջ։

Ամենաբարձր գինը գրանցվել է Կենտրոն վարչական համայնքում՝ մեկ քառակուսի մետրի դիմաց 428 հազար դրամ, ամենացածրը՝ Նուբարաշենում՝ 155,8 հազար դրամ:

Միաժամանակ մարզերում բազմաբնակարան տների գները 2014 թվականի մայիսին, 2013թ. նույն ժամանակահատվածի համեմատ, չեն փոխվել։

Մարզերում ամենաբարձր արժեքը մայիսին գրանցվել է Ծաղկաձորում (292,5 դրամ՝ 1 քառակուսի մետրի դիմաց), ամենացածրը՝ Դաստակերտում և Շամլուղում (8 հազար դրամ):

Մայիսին, ապրիլի համեմատ, գների աննշան բարձրացում է նկատվել Աշտարակում, Արտաշատում, Մասիսում և Վեդիում։

Աղբյուրը՝ arka.am