Հայաստանում հունվար–ապրիլ ամիսներին պահածոների արտադրության ծավալը կազմել է 986,3 տոննա' 2013 թվականի նույն ժամանակահատվածի համեմատ կրճատվելով 20.5 տոկոսով։ Այս մասին հայտնեցին Հայաստանի Ազգային վիճակագրական ծառայությունից։
Միաժամանակ այս տարվա հունվար–ապրիլին արձանագրվել է մսի պահածոների արտադրության անկում մինչև 39,7 տոննա' նախորդ տարվա նույն ժամանակահատվածի 285.9 տոննայի դիմաց (անկումը' յոթ անգամ)։
Բացի այդ, վիճակագրական տվյալների համաձայն, հաշվետու ժամանակահատվածում արտադրվել է 205,5 տոննա բանջարեղենային պահածո' նախորդ տարվա նույն ժամանակահատվածի 214.8 տոննայի դիմաց (անկումը' 4.3%)։
Հաշվետու ժամանակահատվածում արտադրվել է նաև 305.4 տոննա պահածոյացված լոլիկ, նախորդ տարվա նույն ժամանակահատվածի 327.8 տոննայի դիմաց։
Վիճակագրության համաձայն, մրգի պահածոների արտադրության ծավալը կազմել է 385 տոննա (աճը' 3,7%).
Միաժամանակ հաշվետու ժամանակահատվածում արտադրվել է 42.1 տոննա կետչուպ (60.8 տոննա 2013 թվականի հունվար–ապրիլին), ինչպես նաև 4 991,3 հազար լիտր բնական հյութ (4 348.3 հազար լիտր 2013 թվականի հունվար–ապրիլին)։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться