Հայաստանից զգալիորեն աճել է մրգի եւ բանջարեղենի արտահանումը

2012թ. սկզբից մինչեւ նոյեմբերի 22-ը Հայաստանը 2011թ. նույն ժամանակահատվածի համեմատ արտահանել է չորս անգամ ավելի դեղձ եւ 2.7 անգամ ավելի խաղող։ Այդ մասին հայտնում են Հայաստանի գյուղատնտեսության նախարարությունից։ Բացարձակ արտահայտմամբ՝ արտահանվել է 1597 տոննա դեղձ եւ 8227.5 տոննա խաղող։

Ծիրանի արտահանումն աճել է 73 տոկոս՝ կազմելով 12629 տոննա, իսկ գիլասի արտահանումը՝ 64 տոկոս (1104.8 տոննա)։ Բանջարեղենի արտահանումն աճել է 7 տոկոս՝ կազմելով 4271.3 տոննա։

Հիմնական սպառման շուկան Ռուսաստանն է, որոշ արտահանում կատարվում է նաեւ Ուկրաինա եւ Բելառուս։ Այս տարի 19 տոննա խաղող է արտահանվել Վրաստան։

Աղբյուրը՝ www.news.am

Լուսանկարը՝ www.news.am