Հայաստանում պարենային ապրանքների գները մինչև 2014 թ.–ի վերջ կաճեն մոտ 7–10 տոկոսով, կարծում է Հայաստանի սպառողների ասոցիացիայի ղեկավար Արմեն Պողոսյանը։
«Դա առաջին հերթին վերաբերում է մսամթերքին և կաթնամթերքին։ Դժվար է կոնկրետ կանխատեսումներ անել, սակայն կարծում եմ, որ մինչև տարեվերջ տվյալ տեսակի սննդամթերքի գների աճը կտատանվի 7–10 տոկոսի սահմանում», – ասել է Պողոսյանը։
Նրա խոսքերով' այդ միտումը կապված է անասնաբուծության ոլորտի մեծ ծախսերի հետ։
«Այսօր գյուղացիների համար տնային կենդանի պահելը դառնում է ավելի պակաս ձեռնտու։ Բացի այդ, տարիների ընթացքում կրճատվում են արոտավայրերը, և կենդանիներին արոտ տանելն ավելի դժվար է դառնում, ինչն էլ արդյունքում հանգեցնում է մսամթերքի և կաթնամթերքի թանկացման», – պարզաբանել է փորձագետը։
ՀՀ ԱՎԾ–ի տվյալներով' մսամթերքը մարտին, 2013 թ.–ի մարտի համեմատ, էժանացել է 1,4 տոկոսով, իսկ փետրվարի համեմատ' 0,7 տոկոսով։ «Կաթնամթերք» խմբում հաշվետու ժամանակահատվածում գրանցվել է գների 10 տոկոսանոց աճ, իսկ նախորդ ամսվա համեմատ աճը կազմել է 1 տոկոս։
Ընդհանուր առմամբ պարենային ապրանքների գները երկրում մարտին, 2014 թ.–ի փետրվարի համեմատ, նվազել են 1 տոկոսով։
ՀՀ գյուղնախարարության տվյալներով' 2014 թ.–ի հունվարի 1–ի դրությամբ խոշոր եղջերավոր կենդանիների գլխաքանակը տարվա ընթացքում ավելացել է մոտ 17 հազար գլխաքանակով' կազմելով 671 հազար։ Միաժամանակ ոչխարի և այծի գլխաքանակը աճել է մոտավորապես 45 հազարով' կազմելով 705 հազար, իսկ խոզերի գլխաքանակը կազմել է 145 հազար։
Միաժամանակ ՀՀ գյուղնախարարության համաձայն' նախորդ տարվա հունիսի դրությամբ Հայաստանում կա 1 մլն 118 հազար հեկտար արոտավայր, ընդ որում արդյունավետ օգտագործվում է միայն տարածքների 30 տոկոսը։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться