Հայաստանի ապրանք արտադրողների միությունն առաջարկում է քլորոպրենային կաուչուկի արտադրություն սկսել իրանական գազի հիման վրա

Հայաստանի հայրենական ապրանք արտադրողների միությունն առաջարկում է քլորոպրենային կաուչուկի արտադրություն սկսել' օգտագործելով իրանական գազը, ապրիլի 1 մամուլի ասուլիսի ընթացքում տեղեկացրել է միության նախագահ Վազգեն Սաֆարյանը։

«Մարտի 20–ին մենք արդեն առաջարկով նամակ եք հղել ՀՀ–ում Իրանի դեսպանին և այժմ սպասում եք նրա պատասխանին», – նշել է նա։

Որպես քլորոպրենային կաուչուկի արտադրության հաստատման տարբերակներից մեկը' Սաֆարյանը նշել է «Նաիրիտ» քիմիական գործարանի և Երևանի ՋԷԿ–ի համագործակցության վերականգնման և Իրանից ստացվող գազի օգտագործմամբ կաուչուկի արտադրության հնարավորությունը։

«Բարտերային գործարքի արդյունքում արտադրված կաուչուկի մի մասը հետագայում կարող է փոխանցվել Իրանին, իսկ մնացածը' իրացվել միջազգային շուկայում», – նշել է նա։

Հայաստանի և Իրանի միջև գազատարը բացվել է 2007 թ.–ին։ Իրանական գազը վերամշակվում է' դառնալով էլեկտրաէներգիա, որը նախատեսված է Իրան արտահանելու համար' ելնելով 1 խորանարդ մետր բնական գազի դիմաց 3 կՎտ/ժ հաշվարկից։ Համաձայնագիրը նախատեսում է, որ 20 տարվա ընթացքում Իրանը Հայաստան կմատակարարի 36 մլրդ խորանարդ մետր գազ' պայմանագրի ժամկետը հինգ տարի և գազի ընդհանուր մատակարարման ծավալը մինչև 47 մլրդ խորանարդ մետր հնարավոր երկարաձգմամբ։

Միաժամանակ Սաֆարյանն ընդգծել է, որ քլորոպրենային կաուչուկը մեծ պահանջարկ ունի արտաքին շուկայում, ինչի կապակցությամբ Հայաստանը դրա իրացման հետ կապված խնդիրներ չի ունենա։

«Մոտավոր տվյալներով' Ռուսաստանում քլորոպրենային կաուչուկի ամենամյա պահանջարկը կազմում է մոտ 20 հազար տոննա։ Հաշվի առնելով, որ գազի հիման վրա մենք կկարողանայինք տարեկան արտադրել մոտ 15 հազար տոննա կաուչուկ, ապա արտադրվող արտադրանքի ողջ ծավալը մենք կկարողանայինք իրացնել ռուսական շուկայում», – նշել է նա։

Սաֆարյանի խոսքերով' բացի Ռուսաստանից քլորոպրենային կաուչուկը չափազանց պահանջված է նաև այլ երկրներում' Ղազախստանում և Չինաստանում։

«Նաիրիտ» գիտաարտադրական միավորումը ԽՍՀՄ տարածքում քլորոպրենային կաուչուկի մենաշնորհային արտադրողն էր։ 2006 թ.-ից գործարանի 90 տոկոս բաժնետոմսերի տերը բրիտանական Rhinoville Property Limited կոնսորցիումն է, մնացած 10 տոկոս բաժնետոմսերը պատկանում են ՀՀ կառավարությանը։ 2010 թվականի ապրիլից գործարանում արտադրությունը դադարեցվել է։

2013 թ.–ի դեկտեմբերի վերջին «Ռոսնեֆտը», Pirelli Tyre Armenia–ն և «Ռոսնեֆտ–Արմենիան» բութադիենային կաուչուկի արտադրությամբ զբաղվող համատեղ ձեռնարկության ստեղծման հուշագիր ստորագրեցին։ Ավելի վաղ ՀՀ վարչապետ Տիգրան Սարգսյանը տեղեկացրել է, որ «Ռոսնեֆտը» ծրագրում է 400 մլն դոլար ներդնել նոր գործարանում, իսկ ՀՀ–ում ՌԴ դեսպան Իվան Վոլինկինը հույս է հայտնել, որ «Նաիրիտ» գործարանի մասնագետները պահանջված կլինեն նոր ձեռնարկությունում։

Աղբյուրը՝ arka.am