Հայաստանում գյուղատնտեսական արտադրանքի ծավալը 2013թ.-ի հունվար–հոկտեմբերին կազմել է շուրջ 788,9 մլրդ դրամ՝ 2012 թվականի հունվար–հոկտեմբերի համեմատ աճելով 5,9 տոկոսով։ Այդ մասին հայտնեցին հանրապետության Ազգային վիճակագրական ծառայությունից:
ԱՎԾ տվյալներով' արտադրված գյուղատնտեսական արտադրանքի և ձկնորսության համախառն ծավալը հաշվետու ժամանակահատվածում, 2012թ.–ի նույն ժամանակահատվածի համեմատ, ավելացել է 6,3 տոկոսով և կազմել ավելի քան 804 մլրդ դրամ։
Հաղորդագրության համաձայն' անասնաբուծության արտադրանքի ծավալը 2013 թվականի հունվար–հոկտեմբերին կազմել է շուրջ 254,4 մլրդ դրամ' 2012թ.–ի նույն ժամանակահատվածի համեմատ ավելանալով 4,9 տոկոսով, բուսաբուծության ծավալը կազմել է շուրջ 534,5 մլրդ դրամ' ավելանալով 6,4 տոկոսով, իսկ ձկնորսությանը' 15 մլրդ դրամ (30,2% աճ)։
Ըստ վիճակագրական ծառայության տվյալների' հոկտեմբերին, 2012թ.–ի նույն ժամանակահատվածի համեմատ, խոշոր և մանր եղջերավոր անասունների և թռչնամսի (կենդանի քաշով) իրացումն աճել է 24,9 տոկոսով և կազմել 23,6 հազար տոննա։
Վիճակագրական տվյալների համաձայն, 2013թ.–ի հոկտեմբերին, 2012թ.–ի հոկտեմբերի համեմատ, կաթի արտադրությունն ավելացել է 16 տոկոսով և 43,5 հազար տոննա կազմել: Կաթի արտադրության առավելագույն ցուցանիշը հաշվետու ժամանակահատվածում գրանցվել է Կոտայքի մարզում' 20,6 հազար տոննա:
Միաժամանակ հավկիթի արտադրությունը 2013թ.–ի հոկտեմբերին, 2012թ.–ի նույն ժամանակահատվածի համեմատ, կրճատվել է 20,1 տոկոսով' կազմելով 32,6 մլն հատ։ Ավելի շատ հավկիթ է արտադրվել Կոտայքի մարզում' 7,2 մլն հատ։
ԱՎԾ-ից հայտնում են նաև, որ Հայաստանում 2013թ.–ի հոկտեմբերին ձկնորսության և ձկնաբուծության ծավալը կազմել է 946 տոննա (ողջ ծավալն իրացվել է)' 2012թ.–ի նույն ժամանակահատվածի համեմատ ավելանալով 18,7 տոկոսով։ ($1–ը' 403,31 դրամ)։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться