Տնտեսական համագործակցության հարցերով հայ-իրաքյան միջկառավարական համատեղ հանձնաժողովի երկրորդ նիստի շրջանակում նոյեմբերի 7-ին Երեւանում տեղի ունեցավ հայ-իրաքյան գործարար համաժողովը, որի բացմանը ներկա էին միջկառավարական համատեղ հանձնաժողովի համանախագահներ, Հայաստանի փոխվարչապետ Արմեն Գեւորգյանը եւ Իրաքի փոխվարչապետ Ռոուշ Նուրի Շաուեյսը:
Փոխվարչապետն իր բացման խոսքում ողջունեց համաժողովի մասնակիցներին եւ արդյունավետ աշխատանք մաղթեց: Նա վստահություն հայտնեց, որ միջոցառումը լավ հնարավորություն է հայ եւ իրաքցի գործարարների միջեւ համագործակցության, նոր կապերի հաստատման համար, ինչն էլ իր հերթին կնպաստի երկու երկրների միջեւ առեւտրատնտեսական հարաբերությունների զարգացմանը: "Իրաքն ունի հսկայական շուկա եւ այն մեծ հետաքրքրություն կներկայացնի նախեւառաջ հայ արտահանողների համար: Այդ առումով' միջկառավարական հանձնաժողովի նիստի շրջանակում անցկացվող "Արտահանվող հայկական ապրանքներ" ցուցահանդեսը եւ գործարար համաժողովը նոր հնարավորություններ կընձեռեն թե՛ հայաստանյան ընկերություններին, թե՛ իրաքցի գործընկերներին' ծանոթանալու Հայաստանի տնտեսական, ներդրումային եւ արտահանման հնարավորություններին",-նշեց փոխվարչապետ Ա. Գեւորգյանը:
Համաժողովը կազմակերպվել է ՀՀ էկոնոմիկայի նախարարության, Արդյունաբերության զարգացման հիմնադրամի եւ Զարգացման հայկական գործակալության աջակցությամբ: Կողմերը կքննարկեն Հայաստանում ներդրումային միջավայրին, ազատ տնտեսական գոտիներին վերաբերող եւ մի շարք այլ հարցեր:
Աղբյուրը՝ mta.gov.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться