Պաշտոնական վիճակագրության նախնական տվյալներով Հայաստանում արդյունաբերական արտադրանքի ֆիզիկական ծավալն ընթացող տարվա հունվար-սեպտեմբերի ամիսներին աճել է 7,0 տոկոսով: Նշենք, որ այս ձեռքբերումը հիմնականում ապահովում են բնագավառները, որոնք կենտրոնացած են արտահանման վրա՝ մետաղական հանքերի հայտնաբերում ու վերամշակում (տարեկան կտրվածքով հունվար-օգոստոս ամիսներին համապատասխանաբար 11,9 ու 8,5 տոկոս):
Արդյունաբերական արտադրանքի ընդհանուր ծավալում մետաղական հանքերի հայտնաբերման ու վերամշակման տեսակարար կշիռը ընթացող տարվա հունվար-օգոստոս ամիսներին կազմել է 17.1 տոկոս, իսկ դրան ուղեկցող հիմնական մետաղների արտադրությունը՝ 14.0 տոկոս: Այդ կերպ այս երկու ուղղությունները ապահովել են արդյունաբերական արտադրանքի ընդհանուր ծավալի մեկ երրորդը:
Իր մասն ունի նաեւ ոգելից խմիչքների, հատկապես կոնյակի արտադրությունը, ինչպես նաեւ ծխախոտի արտադրությունը: Ոգելից խմիչքների արտադրության ծավալները նշվաժ հատվածում հիմնականում արտահանման շնորհիվ աճել են 13.9 տոկոսով: Ծխախոտի արտադրության ցուցանիշները նույնպես ռեկորդային են՝ 1.6 անգամ: Հավելենք, որ Հայաստանում հունվար-ամիսներին արդյունաբերական արտադրանքի ընդհանուր ծավալի 9.3 տոկոսը կազմել է խմիչքի արտադրությունը, իսկ 2.9 տոկոսը՝ ծխախոտի արտադրությունը:
Վերոհիշյալ տվյալները վկայում են աշխատանքի արտադրողականության աճի մասին, քանի որ արտադրության մեջ աշխատակազմի թիվը պահպանվում է: Սակայն աշխատավարձի բարձրացում չի նկատվել:
Երկրում աշխատավարձի միջին ցուցանիշը պաշտոնական տվյալներով, չի կարող մրցել գնաճի հետ: Հունվար-օգոստոս ամիսներին միջին աշխատավարձը տարեկան կտրվածքով աճել է 4.0 տոկոսով, այսինքն գնաճին զիջելով 1.6 տոկոսային միավորով:
Սեպտեմբերին գյուղատնտեսական արտադրանքի համախառն ծավալը տարեկան կտրվածքով աճել է խորհրդանշական 1.5 տոկոսով: Նշենք, որ օգոստոսին այ կազմում էր 11.9 տոկոս:
Սեպտեմբերին պահպանվել է հետճգնաժամային տարիներին բնորոշ միտում՝ անկում շինարարության ոլորտում: Տարեկան կտրվածքով այն նվազել է 11.9 տոկոսով, իսկ հունվար-սեպտեմբերի ամիսներին՝ 9.2 տոկոսով: Հունվար-օգոստոս ամիսների տվյալներով՝ երկրում կրճատվել է այնպիսի շինանյութերի արտադրությունը, ինչպես ամրացող երկաթբետոնե կառույցներ, մթերվող բետոն, ուղղանկյունաձեւ տուֆ եւ այլն:
Միաժամանակ, նույն այս ժամանակահատվածում նկատելիորեն աճել է լեռնային ոչ մետաղական հանքերի արտահանումը՝ ԱՊՀ երկրներ 1,7 անգամ, իսկ մյուս երկրներ՝ 1,3 անգամ: Նշենք, որ ընթացող տարվա հունվար-օգոստոս ամիսներին այս արտադրանքի իրացման ծավալը գերազանցել է ընդհանուր ծավալի մեկ երրորդ մասը:
Ալբերտ Խաչատրյան
Աղբյուրը՝ news.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться