Հայաստանի Հանրապետության էկոնոմիկայի նախարարությունը քննարկում է տեղեկատվական տեխնոլոգիաների համար առավել բարենպաստ ռեժիմ ստեղծելու հարցը: Այդ մասին NEWS.am-ի հետ զրույցում ասաց ՀՀ էկոնոմիկայի նախարարի առաջին տեղակալ Կարինե Մինասյանը:
Պետություն-մասնավոր համագործակցության խորացմանը, ՏՏ ենթակառուցվածքների զարգացմանը զուգահեռ՝ էկոնոմիկայի նախարարությունը պատրաստվում է նաեւ քննարկել հարկային արտոնությունների հարցը:
«Այս տարածաշրջանում մի քանի երկիր կա, որոնց հետ մրցակցում ենք: Դա Թուրքիան է, Բելառուսն է, Բուլղարիան է, Ուկրաինան է, որտեղ ՏՏ-ն ակտիվ զարգանում է, ու խոշոր վերազգային կորպորացիաները համեմատում են այս երկրներին Հայաստանի հետ»: Կ. Մինասյանի տեղեկացմամբ՝ Բելառուսում ՏՏ ոլորտը հակերից ազատված է, միայն 7% եկամտային հարկ են վճարում աշխատավարձից, Ուկրաինան հետեւել է Բելառուսի օրինակին, Թուրքիան եւ Բուլղարիան զգալի սուբսիդիաներ են հատկացնում, ու նաեւ բավականին արտոնյալ հարկային դաշտ են ստեղծել: «Խոշոր խաղացողներին ներգրավելու տեսանկյունից զիջում ենք, ու այդ ուղղությամբ քննարկումներ կսկսենք»,- ասաց Կ. Մինասյանը: Սակայն, նրա խոսքով, նաեւ հավասարակշռությունը չկորցնելու խնդիր կա, քանի որ ՏՏ ոլորտից պետությունն արդեն եկամուտներ է ստանում, ու պետք է այնպես անել, որ բյուջեն չտուժի:
Աղբյուրը՝ news.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться