2024 թվականին հարկատուներին հետ է վերադարձվել 392 մլրդ դրամ գումար, որը 2023 թվականի համեմատ ավելի է 8,1 տոկոսով: Այս մասին ասել է ՀՀ պետական եկամուտների կոմիտեի նախագահ Էդուարդ Հակոբյանը՝ ԱԺ տնտեսական հարցերի մշտական հանձնաժողովի՝ հունիսի 16-ի արտահերթ նիստի ժամանակ ներկայացնելով ՀՀ ՊԵԿ-ի 2024 թվականի գործունեության մասին հաղորդումը:
Էդուարդ Հակոբյանն անդրադարձել է հաշվետու տարվա ընթացքում իրականացրած բարեփոխումներին, տեղեկացրել, որ ներդրվել են ստվերի գնահատման նոր գործիքներ: Նա նշել է, նախորդ տարվանից արդեն իրականացվում է միկրոգնահատում՝ առանձին հարկատեսակներով, որը, հենվելով հարկային վարչարարության արդյունքների վրա, գնահատումներ է իրականացնում: Զեկուցողը նշել է, որ բարելավվել է նաեւ հարկային եւ մաքսային ռիսկերի համակարգը:
ՊԵԿ նախագահի տեղեկացմամբ հաշվետու տարում իրականացվել են թվայնացման ոլորտի բարեփոխումներ, որոնցից են, մասնավորապես, հայտարարագրման համակարգի ներդրումը, տաքսի վարողների հարկերի վճարման համար համակարգի մշակումը եւ ներդրումը:
2024 թվականին ներդրվել է նաեւ ժամանակատարության գնահատման համակարգը, որը թույլ է տալիս մաքսային ծառայողների աշխատանքը վայրկյանների ճշգրտությամբ գնահատել:
Անդրադառնալով արտաքին տնտեսական գործունեության կենտրոնների ստեղծման շինարարական աշխատանքներին՝ Էդուարդ Հակոբյանն ընդգծել է, որ դրանցից ամենամեծն Իրանի սահմանին է, որի աշխատանքների 35 տոկոսն արդեն կատարված է:
Հաշվետու տարում շարունակվել են հարկային ու մաքսային համակարգի նոր որակավորում ունեցեղ ծառայողներով համալրելու գործընթացն ու մաքսային ծառայողների որակավորման բարձրացման նպատակով անցկացվող դասընթացները, որոնց շրջանակներում իրականացվել է նաեւ նրանց բարեվարքության գնահատում:
ՀՀ պետական եկամուտների կոմիտեի նախագահ Էդուարդ Հակոբյանը պատասխանել է նաեւ պատգամավորների հարցերին:
ԱԺ տնտեսական հարցերի մշտական հանձնաժողովը հաղորդումն ընդունել է ի գիտություն:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться