ԱՄՆ-ն, չնայած «սառեցման» մասին իր հայտարարություններին, արդեն իսկ գործող մաքսատուրքեր է սահմանել դեպի այս երկիր ԵՄ արտահանման 70%-ի վրա, որը կազմում է տարեկան ընդհանուր առմամբ 380 միլիարդ եվրո, և Վաշինգտոնը պատրաստվում է ընդլայնել դրանք մինչև եվրոպական արտահանման 97%-ը։ Այս մասին հայտարարել է առևտրի և տնտեսական անվտանգության հարցերով եվրահանձնակատար Մարոշ Շևչովիչը՝ ելույթ ունենալով Ստրասբուրգում Եվրախորհրդարանի նստաշրջանում։
«ԱՄՆ-ն ժամանակավորապես նվազեցրել է ԵՄ-ի նկատմամբ իր համընդհանուր սակագները 20%-ից մինչև 10%: Սակայն, ԱՄՆ 10%-ից 25% սակագները դեռևս տարածվում են 380 միլիարդ եվրոյի եվրոպական արտահանման վրա, որը կազմում է ԵՄ-ից ԱՄՆ արտահանման բոլոր ծավալների 70%-ը», - ասաց Շեֆչովիչը:
Նա նաև զգուշացրել է, որ ԱՄՆ-ն պլանավորում է ընդլայնել ԵՄ-ի դեմ մաքսատուրքերը՝ անցկացնելով վեց հակադեմպինգային հետաքննություն եվրոպական ապրանքների, այդ թվում՝ դեղագործական արտադրանքի, կիսահաղորդիչների և հազվագյուտ հողային հանքանյութերի վերաբերյալ։ Եթե այս բոլոր հետաքննություններն ավարտվեն մաքսատուրքերի սահմանմամբ, Վաշինգտոնը մաքսատուրքեր կսահմանի ԵՄ արտահանման 97%-ի վրա, ասել է եվրահանձնակատարը։
news.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться