Ամուլսարի գործարկումը պլանավորվում է տարեվերջին․ ֆինանսների նախարար

Ամուլսարի գործարկումը պլանավորվում է տարեվերջին, սա կարող է ունենալ դրական ազդեցություն ՀՀ ՀՆԱ աճի մեջ։ Եթե այս տարի աշխատանքը սկսվի՝ դա կարող է, մեր գնահատմամբ, 0.5%-ի շրջանակներում ազդեցություն ունենալ ՀՆԱ-ի աճի վրա։ Այս մասին այսօր հրավիրված ասուլիսում ասել է ՀՀ ֆինանսների նախարար Վահե Հովհաննիսյանը։ 

 «Բոլորն արդեն դրա մասին խոսում են, և մենք էլ ենք դրա մասին խոսում, որ ՀՀ տնտեսական աճը վերադառնում է իր պոտենցիալ աճին, որը, մեր կարծիքով, կազմում է 5-5,5 տոկոս»,- ասաց նախարարը:
 
«Քանի որ տարվա վերջում է պլանավորվում Ամուլսարի գործարկման ազդեցությունը, կարող է սահմանային լինել»,– հավելեց նա։