ՌԴ տրանսպորտի նախարար Մաքսիմ Սոկոլովը և ՀՀ վարչապետ Տիգրան Սարգսյանը հոկտեմբերի 1-ին մինչև 2020թ.–ն ընկած ժամանակահատվածը երկու երկրների երկարաժամկետ տնտեսական համագործակցության ծրագիր են ստորագրել։
«Մենք հետևում ենք հայ–ռուսական հարաբերությունների ընդլայնմանն ու խորացմանը։ Աճում է առևտրաշրջանառությունը, Հայաստանից դեպի Ռուսաստանի Դաշնություն արտահանման ծավալը վերջին երկու տարիներին ավելացել է ավելի քան 20 տոկոսով»,– ստորագրման արարողությունից հետո ասել է Սարգսյանը, հաղորդում է ՌԻԱ Նովոստին։
Ռուսական և հայկական կողմերը երեքշաբթի նաև Ռուսաստանի և Հայաստանի միջև տնտեսական համագործակցության միջկառավարական հանձնաժողովի 15–րդ նիստի արձանագրություն են ստորագրել։ Ըստ Սոկոլովի, այդ նիստի ընթացքում հիմնականում քննարկվել են բոլոր համատեղ նախագծերը, որոնք իրականացվում են ներկա պահին։ Մասնավորապես նիստի մասնակիցները քննարկել են Հայկական ԱԷԿ–ի շահագործման ժամկետների երկարաձգման նախագիծը, ինչպես նաև քննարկել են Հայաստանում ՄՊՀ–ի մասնաճյուղը շուտով բացելու հնարավորությունը։
«Մեր հանձնաժողովի աշխատանքի շրջանակում մենք ավանդաբար, կառուցողական կերպով քննարկել ենք բոլոր ներկայացված հարցերը»,– նշել է Սոկոլովը։
Սարգսյանն իր հերթին նշել է, որ Ռուսաստանին և Հայաստանին «համախմբում է համատեղ ապագայի ընդհանուր տեսությունը»։ Նա ավելացրել է, որ Մաքսային միությանը միանալու Հայաստանի որոշման շրջանակում, որի հետ հանրապետությունը ընդհանուր սահմաններ չունի, ներկա պահին արդեն մեխանիզմ է ձևավորվել, որը թույլ է տալիս նվազագույնի հասցնել համապատասխան ծախսերը։
«Մաքսային միության շրջանակում արդեն որոշակի գործիք է ստեղծվել, որը թույլ է տալիս կտրուկ նվազեցնել բոլոր տրանզակցիոն ծախսերը, որոնք առկա են այն պատճառով, որ մենք ընդհանուր սահմաններ չունենք»,– ասել է ՀՀ վարչապետը։
Պաշտոնյան ավելացրել է, որ Մաքսային միության կազմում Հայաստանի անդամակցության նկատմամբ իր անձնական դիրքորոշումը փոփոխության չի ենթարկվել։ «Այդ առումով իմ դիրքորոշումը չի փոխվել։ Այն միշտ համահունչ է եղել Ռուսաստանի Դաշնության քաղաքական ղեկավարության դիրքորոշման հետ»,– նշել է նա։
Աղբյուրը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться