Նախագծի համաձայն՝ Զինված ուժերում արհեստավարժ պայմանագրային զինվորական ծառայության ամբողջական կայացման նպատակով սահմանվում են բանակի՝ գլխավոր շտաբի, սերժանտի, կորպուսի սերժանտի եւ շտաբի սերժանտի պաշտոններ եւ դրանց վարձատրության գործակիցները: Այս մասին հայտնել է ՀՀ պաշտպանության նախարարի տեղակալ Արման Սարգսյանը՝ ԱԺ պաշտպանության եւ անվտանգության հարցերի մշտական հանձնաժողովի՝ ապրիլի 14-ի նիստում առաջին ընթերցմամբ քննարկման ներկայացնելով ««Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին» օրենքում փոփոխություն կատարելու մասին» օրենքի նախագիծը:
Փոխնախարարի խոսքով արեւմտյան պետությունների, ինչպես նաեւ Արեւելյան Եվրոպայի բանակների սերժանտական համակարգի ուսումնասիրությունը ցույց է տվել, որ սերժանտական համակարգը ներառում է գլխավոր շտաբի եւ բանակային ուղղությունների սերժանտների առկայություն, որոնք ղեկավարում են ցածր օղակի սերժանտների գործունեությունը եւ ապահովում սերժանտական համակարգի հրամանատարական ուղղահայացը:
Արման Սարգսյանը պատասխանել է պատգամավորների հարցերին, տվել պարզաբանումներ:
Հանձնաժողովի նախագահ Անդրանիկ Քոչարյանը նշել է, որ մինչեւ երկրորդ ընթերցում կկազմակերպվի աշխատանքային հանդիպում՝ առաջացած հարցերը ԶՈՒ գլխավոր շտաբի պետի տեղակալի հետ քննարկելու նպատակով:
Հարակից զեկույցում հանձնաժողովի անդամ Վահագն Ալեքսանյանը գործընկերներին հորդորել է կողմ քվեարկել նախագծին՝ այն գնահատելով որպես Զինված ուժերի կարեւորագույն բարեփոխումներից մեկը:
Նախագծին հանձնաժողովը դրական եզրակացություն է տվել:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться