ՀՀ կառավարության որոշմամբ փոփոխություններ և լրացումներ են արվել 2024 թ․-ի նոյեմբերի 21-ի N 1815-Ն որոշման մեջ

ՀՀ կառավարության որոշմամբ փոփոխություններ և լրացումներ են արվել 2024 թ․-ի նոյեմբերի 21-ի N 1815-Ն որոշման մեջ փոփոխություններ և լրացումներ կատարելու մասին» որոշման մեջ։
ՀՀ կառավարության 2024 թվականի նոյեմբերի 21-ի «ԵԱՏՄ ԱՏԳ ԱԱ 0103 92 ծածկագրին դասվող ընտանի տեսակների կենդանի խոզերի՝ Հայաստանի Հանրապետության տարածք ներմուծման ժամանակավոր քանակական սահմանափակում կիրառելու և ներմուծման ընթացակարգը հաստատելու մասին» N 1815-Ն որոշման դրույթների կիրարկման շրջանակներում՝ ներմուծվող ապրանքների մասով սահմանված արգելքի նկատմամբ մաքսային հսկողությունը իրականացնելիս որոշ խնդիներից խուսափելու նպատակով՝ Որոշման մեջ կատարվել են փոփոխություններ և համապատասխան լրացումներ՝ համաձայն որի ՀՀ տարածք ընտանի տեսակների կենդանի խոզերի ներկրման նպատակով՝ դիմումատուն ՀՀ էկոնոմիկայի նախարարություն է ներկայացնում դիմում, որի հիման վրա Էկոնոմիկայի նախարարությունը բաշխում է դիմումատուների միջև քվոտայով նախատեսված ապրանքի մնացած մասը և պահանջվող տեղեկատվությունը փոխանցում է Պետական եկամուտների կոմիտե, ինչպես նաև իրականացնում է ներկայումս գործող որոշմամբ սահմանված ժամանակավոր քանակական սահմանափակման մասով հաշվառում։
ՈՒշադրություն
ՀՀ տարածք ընտանի տեսակների կենդանի խոզերի ներմուծման համար իրավաբանական անձինք կամ անհատ ձեռնարկատերերը կամ ֆիզիկական անձինք սույն որոշումն ուժի մեջ մտնելու օրվան հաջորդող 10 աշխատանքային օրվա ընթացքում Էկոնոմիկայի նախարարություն են ներկայացնում դիմում՝ համաձայն սույն Որոշմամբ սահմանաված ձևի՝ կցելով ԵԱՏՄ ԱՏԳ ԱԱ 0103 92 ծածկագրին դասվող ընտանի տեսակի կենդանի խոզերի գլխաքանակի առնվազն 70%-ի պահպանման չափով անասնաշենքի առկայությունը հիմնավորող փաստաթղթերի պատճենները (համապատասխան սեփականության իրավունքի վկայական կամ վարձակալության պայմանագիր) և լուսանկարներ։
Հայտը և դրան կից փաստաթղթերը անհրաժեշտ է ներկայացնել նախարարություն՝ էլեկտրոնային եղանակով (էլեկտրոնային հասցեն՝ secretariat@mineconomy.am), փոստային կամ առձեռն։ Էլեկտրոնային եղանակով դիմելու դեպքում դիմումն անհրաժեշտ է ներկայացնել Հայաստանի Հանրապետության օրենսդրությամբ սահմանված կարգով՝ էլեկտրոնային թվային ստորագրությամբ։
ՀՀ կառավարության որոշումը /20.03.2025, N327-Ն/
https://e-gov.am/gov-decrees/item/44283/