Արդյունավետության բարձրացում գյուղատնտեսությունում

Մաս 2․  Կաթիլային ոռոգման տեսակները և կարևոր գործոնները
 Ռեսուրսախնայող և արդյունավետ գյուղատնտեսության համար մեծ նշանակություն ունի ոռոգման առաջադիմական տեխնոլոգիաների ներդրումը։
 Գիտականորեն հիմնավորվել է, որ
 Կաթիլային ոռոգումը ջրի ծախսը նվազեցնում է 50%-ով՝ համեմատած մակերեսային ոռոգման հետ։
 Անձրևացման համեմատ ջրի խնայողությունը կազմում է 30%-ից ավել։
 Արդյունքը՝ մշակաբույսերի բարձր բերքատվություն և որակյալ բերք։
 Կաթիլային ոռոգման համակարգերի տեսակները
 Ժապավեն – Օգտագործվում է ջերմատներում և բաց գրունտում մեկանգամյա օգտագործման նպատակով՝ բանջարաբոստանային մշակաբույսերի և ծխախոտի մշակության համար։
 Ներդրված կաթոցիկով խողովակ – Խողովակում որոշակի հաջորդականությամբ տեղադրված են կաթոցիկներ, որոնք ապահովում են ջրի մատակարարումը բույսին։
 Կաթոցիկները լինում են տարբեր նշանակության
- Պարզ կաթոցիկներ,
- Մեմբրանով,
- Լաբիրինթով,
- Ինքնակարգավորվող,
- Փականով և այլն:
 Կաթիլային համակարգի նախագծման ժամանակ հաշվի են առնվում՝
- Գյուղատնտեսական պայմանները,
- Հողակլիմայական և բնակլիմայական գոտիականությունը,
- Մշակաբույսի առանձնահատկությունները:
 Կաթիլային ոռոգման հիմնական առավելությունները
 Պարարտանյութերի արդյունավետ օգտագործում – Պարարտանյութերը մատուցվում են ոռոգման ջրի հետ, կրճատելով դրանց ծախսը 50%-ով։
 Հիվանդությունների կանխում – Վեգետացիոն զանգվածի և պտղի խոնավեցում տեղի չի ունենում, ինչն ունի էական նշանակություն հիվանդությունների կանխման և բարձրորակ բերքի ստացման գործում:
 Արդյունքում՝ ավելի շատ և որակյալ բերք՝ նվազագույն ջրի և ռեսուրսների ծախսով։