«Հայաստանի Հանրապետության կառավարության 2024 թվականի օգոստոսի 22-ի N 1392-Լ որոշման մեջ լրացում և փոփոխություններ կատարելու մասին» Հայաստանի Հանրապետության կառավարության որոշման նախագիծ

«Հայաստանի Հանրապետության կառավարության 2024 թվականի օգոստոսի 22-ի N 1392-Լ որոշման մեջ լրացում և փոփոխություններ կատարելու մասին» Հայաստանի Հանրապետության կառավարության որոշման նախագիծ

ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2024 ԹՎԱԿԱՆԻ ՕԳՈՍՏՈՍԻ  22-Ի N 1392-Լ ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.

1.Հայաստանի Հանրապետության կառավարության 2024 թվականի օգոստոսի 22-ի «Հայաստանի Հանրապետությունում անասնաբուծության խթանման ծրագրերը հաստատելու մասին» N 1392-Լորոշման N 1 հավելվածով հաստատված «Ոչխարաբուծության և այծաբուծության զարգացման 2024-2028 թվականների» ծրագրի 19-րդ կետում՝
1) 1-ին ենթակետից հանել  «կցելով նաև պայմանագիրը և»  բառերը․

2)1-ին ենթակետի «ա» պարբերությունը շարադրել նոր խմբագրությամբ՝ հետևյալ բովանդակությամբ 

«ա․ տոհմային ՄԵԿ-ի ձեռքբերման պայմանագիրը՝ կնքված շահառու դառնալուց ոչ ավել քան 2 ամիս առաջ, որում կարող է ամրագրված լինել նաև կանխավճարի չափը,»․

3) 4-րդ ենթակետում  «փոխհատուցման ենթակա գումարը» բառերից հետո լրացնել՝ «(ներառյալ սույն կետի 1-ին ենթակետի «ա» պարբերությամբ սահմանված կանխավճարը)» բառերը։

2․ Սույն որոշումն ուժի մեջ է մտնում  հրապարակմանը հաջորդող օրվանից և տարածվում է 2024 թվականի օգոստոսի 22-ից հետո ծագած հարաբերությունների վրա:

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2024 ԹՎԱԿԱՆԻ ՕԳՈՍՏՈՍԻ  22-Ի N 1392-Լ ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ՎԵՐԱԲԵՐՅԱԼ

Անհրաժեշտությունը
«Հայաստանի Հանրապետության կառավարության 2024 թվականի օգոստոսի  22-ի N 1392-Լ որոշման մեջ լրացում և փոփոխություններ կատարելու մասին» Հայաստանի Հանրապետության կառավարության որոշման նախագծի  ընդունումը պայմանավորված է Ոչխարաբուծության և այծաբուծության զարգացման 2024-2028 թվականների ծրագիրը լավարկելու և շահառուների հետաքրքրվածությունը մեծացնելու անհրաժեշտությամբ։ 

Ընթացիկիրավիճակըև առկա խնդիրները
«Հայաստանի Հանրապետության կառավարության 2024 թվականի օգոստոսի  22-ի N 1392-Լ որոշման հավելված 1-ով հաստատված Ոչխարաբուծության և այծաբուծության զարգացման 2024-2028 թվականների ծրագրի իրականացման ընթացքում առաջ եկավ մի խնդիր, որը պայմանավորված է ծրագրի 19-րդ  կետի 1-ին ենթակետով և 19-րդ  կետի 1-ին ենթակետի «ա» պարբերությամբ  սահմանված պայմանգրերի ներկայացման հանգամանքով։ 

Տվյալբնագավառումիրականացվող քաղաքականությունը
Ծրագրի» 19-րդ  կետի 1-ին ենթակետով նախատեսվում է, որ մինչև տոհմային կենդանիների ձեռք բերումը տնտեսավարողը դիմում է ՀՀ էկոնոմիկայի նախարարությանը և այլ փաստաթղթերի հետ միասին ներկայացնում կենդանիների ձեռքբերման վերաբերյալ կնքված պայմանագիրը։ Ծրագրի նույն՝ 19-րդ  կետի 1-ին ենթակետի «ա» պարբերությամբ սահմանվում է, որ տոհմային կենդանին ձեռք բերելուց հետո շահառուն ներկայացնում է «ձեռքբերման նպատակով ներկայացված դիմումի հաշվառման մասին տեղեկացումը ստանալուց հետո մինչև երեք ամսվա ընթացքում կնքված՝ տոհմային մանր եղջերավոր կենդանիների ձեռքբերման պայմանագրի պատճենը»։ Գնորդը ձեռք բերվող կենդանիների տոհմային քարտերի և կարանտինացման գործընթացը կազմակերպելու համար առուվաճառքի պայմանագրով վաճառողին կանխավճար է վճարում, որը ևս համարվում է կենդանիների ձեռքբերման արժեքի գին, սակայն այդ վճարումն իրականացվում է մինչև շահառու դառնալը։

Կարգավորմաննպատակըև բնույթը
«Հայաստանի Հանրապետության կառավարության 2024 թվականի օգոստոսի  22-ի N 1392-Լ որոշման մեջ լրացում և փոփոխություններ կատարելու մասին» Հայաստանի Հանրապետության կառավարության որոշման նախագծի նպատակն է տարընթերցումներից զերծ մնալու նպատակով ծրագրում կատարել համապատասխան փոփոխություններ։

Նախագծիմշակմանգործընթացում ներգրավված ինստիտուտները և անձինք
ՀՀ կառավարության որոշման նախագիծը մշակվել է ՀՀ էկոնոմիկայի նախարարության կողմից:

Ակնկալվողարդյունքը
«Հայաստանի Հանրապետության կառավարության 2024 թվականի օգոստոսի  22-ի N 1392-Լ որոշման մեջ լրացումներ և փոփոխություններ կատարելու մասին» Հայաստանի Հանրապետության կառավարության որոշման նախագծի ընդունման արդյունքում կբացառվեն տարընթերցումները, ինչը կնպաստի շահառուների շրջանակի ընդլայնմանը, պետական աջակցությամբ ձեռք բերվող մանր եղջերավոր տոհմային կենդանիների ավելացմանը:

&nbsp7․ Նախագծի ընդունման կապակցությամբ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին

Նախագծի ընդունմամբ լրացուցիչ ֆինանսական միջոցների անհրաժեշտությունը բացակայում է:

8․  Կապը ռազմավարական փաստաթղթերի հետ:

 Նախագիծը բխում է․

ՀՀ կառավարության 2021 թվականի նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների ծրագիրը հաստատելու մասին» N 1902-Լ որոշմամբ հաստատված հավելված 1-ի «Էկոնոմիկայի նախարարություն» բաժնի 9-րդ կետով սահմանված «Գյուղատնտեսության զարգացում և արտադրողականության բարձրացում» միջոցառումից, որով նախատեսվում է տոհմային գործի բարելավում՝ տարեկան 10-15 %-ով տոհմային կենդանիների տեսակարար կշռի ավելացում,
ՀՀ կառավարության 2023 թվականի հունիսի 29-ի N 1083-Լ որոշմամբ հաստատված «Պարենային անվտանգության համակարգի զարգացման ռազմավարության 2023-2026 թվականների գործողությունների» հավելված 2-ի 4-րդ կետով սահմանված «Գյուղատնտեսության զարգացում, արտադրողականության բարձրացում և կայուն անասնահամաճարակային և բուսասանիտարական իրավիճակի ապահովում» առաջնահերթությունից, որով նախատեսվում է տոհմային կենդանիների տեսակարար կշռի շուրջ 10% ավելացում՝ բազային տարվա 2%-ի դիմաց։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԱՐՉԱՊԵՏ&nbsp&nbsp&nbsp Ն.ՓԱՇԻՆՅԱՆ