ԱՄՆ նախագահ Դոնալդ Թրամփի վարչակազմը կզարգացնի տնտեսական կապերը Հնդկաստանի հետ։ Այս մասին հայտնել է ԱՄՆ պետքարտուղար Մարկո Ռուբիոն Վաշինգտոնում Հնդկաստանի արտաքին գործերի նախարար Սուբրամանյամ Ջայշանկարի հետ հանդիպման ժամանակ։
«ԱՄՆ պետքարտուղար Մարկո Ռուբիոն այսօր Վաշինգտոնում հանդիպել է Հնդկաստանի արտաքին գործերի նախարար Սուբրամանյամ Ջայշանկարի հետ»,- նշվել է պետդեպարտամենտի մամուլի ծառայության երեքշաբթի արված հայտարարությունում:
«Պետքարտուղար Ռուբիոն ընդգծել է Թրամփի վարչակազմի ցանկությունը՝ աշխատել Հնդկաստանի հետ՝ տնտեսական կապերը զարգացնելու եւ անօրինական միգրացիայի հետ կապված խնդիրները լուծելու համար»,- նշվել է փաստաթղթում։
Ինչպես նշվել է, կողմերը վերահաստատել են Միացյալ Նահանգների եւ Հնդկաստանի միջեւ գործընկերության հետագա ամրապնդման համատեղ հանձնառությունը: «Նրանք քննարկել են թեմաների լայն շրջանակ, ներառյալ տարածաշրջանային խնդիրներն ու ԱՄՆ-ի եւ Հնդկաստանի միջեւ հարաբերությունների հետագա խորացման հնարավորությունները, մասնավորապես՝ նոր տեխնոլոգիաների, պաշտպանական համագործակցության, էներգետիկայի եւ ազատ եւ բաց հնդկա-խաղաղօվկիանոսյան տարածաշրջանի խթանման ոլորտներում»,- նշվել է հայտարարությունում
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться