Նախարարին այցի ընթացքում ուղեկցել են տեղակալներ Արամ Մեյմարյանը և Տիգրան Գաբրիելյանը։
Ինչպես «Արմենպրես»-ին տեղեկացրին ՀՀ շրջակա միջավայրի նախարարությունից, Սևանա լիճ է բաց թողնվեց մանրաձկան հերթական խմբաքանակը` Սևանի իշխանի «Գեղարքունի» ենթատեսակի 300 հազար մանրաձուկ:
«Կենսաբազմազանության վերականգնումը՝ հատկապես Սևանա լճի էկոհամակարգային ամբողջության տեսանկյունից, Շրջակա միջավայրի նախարարության առաջնահերթություններից է, և 2024 թվականին Սևանա լիճ է բաց թողնվել ընդհանուր հաշվով 387 300 ամառային և գեղարքունի ենթատեսակների մանրաձուկ։
Մանրաձկան բացթողումից հետո նախարարը շրջայց է իրականացրել ձկնաբուծարանում, դիտարկել ավազաններում առկա ձկնապաշարի տեսակները, քննարկել դրանց մայրական կազմերի պահպանմանն առնչվող հարցեր»,- ասվում է հաղորդագրության մեջ:
Ըստ աղբյուրի՝ նախարարը ծանոթացել է ձկնաբուծարանի բացօթյա տարածքում նորակառույց ավազաններում կողակ ձկնատեսակի մայրական կազմի բուծման համար ստեղծված պայմաններին և դրանց բազմացման հնարավորություններին:
«Սա վերջին տարիների ամենասպասված ձեռքբերումն է, որին հասնելու համար մեծ ջանքեր են պահանջվել և ներդրվել: Եվ, ի ուրախություն բոլորիս, կարող եմ ասել, որ դա հաջողվել է` կողակի պաշարների վերականգնման ծրագրի շրջանակում արդեն ունենք շուրջ 2000 հատ Սևանի կողակ: Սևանի կողակի վերարտադրության և պաշարների վերականգնմանն ուղղված միջոցառումների շրջանակում ունենք նաև վերականգնված 4 բացօթյա ավազաններ»,- նշել է նախարարը։
Նշվում է, որ շրջայցից հետո նախարար Հակոբ Սիմիդյանը հանդիպում- քննարկում է ունեցել գործարանի աշխատակազմի հետ: Ներկայացվել է «Սևանա լճում իշխանի պաշարների վերականգնման համալիր ծրագիր՝ պահպանելով ժառանգությունը» խորագրով զեկույց, որի ընթացքում զեկուցվել է իրականացված աշխատանքների և գույքագրված խնդիրների մասին: Կայուն ծնողական կազմի պահպանման և համալրման շարունակական գործընթացի շնորհիվ այժմ առկա է շուրջ 105 000 հատ, 36 800 կգ ընդհանուր զանգվածով Սևանի իշխանի գեղարքունի և ամառային ենթատեսակի ծնողական կազմ:
Գործընկերներին ուղղված իր խոսքում նախարարը շնորհավորել է Կենսաբազմազանության կողմերի համաժողովը` #COP17-ն Հայաստանում հյուրընկալելու առթիվ և նշել, որ հատկապես գործարանից կենսաբազմազանության վերականգնման աշխատանքների ուղղությամբ սպասումները շատ մեծ են, և պետք է շարունակել ջանքեր գործադրել:
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться