Հայաստանը դարձել է Վրաստանին կարտոֆիլի երրորդ մատակարարը

2024 թվականին, ինչպես 2023 թվականին, Վրաստան կարտոֆիլի ամենամեծ ծավալը ներկրվել է Ռուսաստանից, հայտնում է Jnews.ge պորտալը։ Այս տարվա հունվար-օգոստոս ամիսներին Ռուսաստանից ներմուծվել է 1736 տոննա կարտոֆիլի, որը կազմել է 459 հազար դոլար։

Վրաստան կարտոֆիլ ներկրող երկրների այս տարվա առաջին հնգյակում են.

Ռուսաստանը՝ 459 հազար դոլար, 1736 տոննա,

Ադրբեջանը՝ 441 հազար 800 դոլար, 1662 տոննա,

Հայաստանը՝ 433 հազար 830 դոլար, 1658 տոննա,

Թուրքիան՝ 407 հազար 770 դոլար, 1243 տոննա,

Գերմանիան՝ 325 հազար 730 դոլար, 265 տոննա:

Անցյալ տարի ներմուծող երկրների առաջին հնգյակում էին Ռուսաստանը, Բելառուսը, Գերմանիան, Եգիպտոսը և Նիդեռլանդները։

Կարտոֆիլի ներմուծումը 2024 թվականի հունվար-օգոստոսին նախորդ տարվա նույն ժամանակահատվածի համեմատ ծավալային առումով նվազել է 71,34%-ով, իսկ արժեքով՝ 68,25%-ով։

Մասնավորապես, այս տարվա 8 ամիսների ընթացքում հանրապետություն է ներկրվել 6351 տոննա կարտոֆիլ, իսկ ամբողջ 2023 թվականին՝ 22 հազար 161 տոննա։

2024 թվականի հունվար-օգոստոս ամիսներին Վրաստան կարտոֆիլի ներմուծման ծավալը կազմել է 2 միլիոն 369 հազար 590 դոլար, իսկ 2023 թվականին այդ ցուցանիշը կազմել է 7 միլիոն 466 հազար 260 դոլար։