Մինչեւ 2034 թվականը որպես ներդրումներ նախատեսվում է ներգրավել լրացուցիչ 296 մլրդ դրամ՝ ընդհանուր ծավալը հասցնելով 540 մլրդ դրամի։ Այս մասին այսօր՝ սեպտեմբերի 4-ին լրագրողների հետ հանդիպմանն ասաց «Հայաստանի էլեկտրական ցանցեր» ընկերության գլխավոր տնօրեն Կարեն Հարությունյանը։
Նա պարզաբանեց, որ մատակարարվող էլեկտրաէներգիայի որակական ցուցանիշները բարձրացնելու նպատակով ներդրումների ծավալը կկազմի 120 մլրդ դրամ, իսկ նոր բաժանորդներին միացնելու և համապատասխան ենթակառուցվածքը զարգացնելու համար՝ 130 մլրդ դրամ։
Հարությունյանը տեղեկացրեց, որ 2016 թվականից մինչև 2024 թվականի օգոստոսի 1-ը ընկերության ընդհանուր ներդրումները կազմել են մոտ 244 մլրդ դրամ։ Նա նշեց, որ դոլարային արտահայտությամբ դա կազմում է 680 մլն դոլար, մինչդեռ ընդհանուր ծավալը մինչև 2015 թվականը կազմում էր ընդամենը 200 մլն դոլար։ «Այդ ներդրումների 33%-ն ուղղված է եղել նոր բաժանորդների՝ ցանցին միացնելուն, ինչը ծրագրվածից հինգ անգամ ավելի է»,- հավելեց ընկերության գործադիր տնօրենը։
Նա ընդգծեց, որ 2024 թվականի առաջին 7 ամիսներին ընկերությունը բաժանորդներին ավելի շատ տուգանքներ է վճարել, քան նախորդ տարվա ընթացքում։
«Եթե 2023 թվականին վճարել ենք 140 միլիոն դրամի տուգանքներ, ապա 2024 թվականի առաջին 7 ամիսներին՝ արդեն 152 միլիոն դրամ»,- եզրափակեց Կարեն Հարությունյանը։
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться