Կիպրոսի Վասիլիկոս քաղաքի էներգետիկ կենտրոնի տարածքում հեղուկացված բնական գազի ներմուծման տերմինալը կավարտվի նախագծին չինական կողմի՝ մասնակցությունից հրաժարվելուց հետո: Այս մասին հայտարարել է Կիպրոսի էներգետիկայի, առևտրի և արդյունաբերության նախարար Յորգոս Պապանաստասիուն:
Կիպրացի պաշտոնյան հասկացրել է, որ տերմինալի կառուցման վերաբերյալ ավելի վաղ կնքված պայմանագիրը դադարել է գործել այն բանից հետո, երբ հինգշաբթի օրը չինական CPP-Metron Consortium Ltd (CMC) շինարարական կոնսորցիումը հայտարարել է նախագծից դուրս գալու մասին, և դա հաստատվել է Կիպրոսի ETYFA ազգային ընկերության կողմից, որը համաձայնագրի երկրորդ կողմն է:
Ընդ որում՝ նախարարն ընդգծել է Կիպրոսի համար նախագծի ռազմավարական նշանակությունն ու անհրաժեշտությունն այն պատճառով, որ բնական գազի ներմուծումը թույլ կտա նվազեցնել ավանդական ճանապարհով էլեկտրաէներգիայի արտադրության արժեքը: Նա հայտարարել է, որ Վասիլիկոսում գտնվող տերմինալի շինարարությունն անպայման կավարտվի, և խոստացել է Կիպրոսի հանրապետության նախագահ Նիկոս Խրիստոդուլիդիսին առաջարկություններ ներկայացնել դրա կառուցումն ավարտելու տարբերակների վերաբերյալ:
Հինգշաբթի օրը CMC կոնսորցիումը հայտնել է ETYFA-ի հետ պայմանագրի դադարեցման մասին՝ պատճառաբանելով, որ ստիպված է եղել մի քանի տարի աշխատել նշված նախագծի շրջանակներում՝ առանց պատշաճ և ժամանակին վճարումների: Նաև հայտարարվել է, որ կոնսորցիումը, հակառակ Կիպրոսի էներգետիկայի նախարարի մարտի խոստումներին, ընդհանրապես ոչ մի վճար չի ստացել ընթացիկ տարում կատարված աշխատանքների համար:
b24.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться