Մոսկվայում տեղի է ունեցել «Հայկական արտադրանքի տոնավաճառ-ցուցահանդեսի» բացման հանդիսավոր արարողությունը, որը կազմակերպվել է Մոսկվայի քաղապետարանի կողմից հայտարարված «Торговый город» փառատոնի եւ Մոսկվայի քաղաքի օրվան նվիրված միջոցառումների շրջանակներում:
Բացմանը ելույթով հանդես է եկել ՌԴ-ում ՀՀ դեսպան Օլեգ Եսայանը, ով ընդգծել է, որ ՀՀ անկախության 23-րդ տարեդարձին նվիրված միջոցառումների շարքը ՌԴ-ում մեկնարկում է հայկական արտադրանքների եւ արտադրողների տոնավաճառ-ցուցահանդեսի բացման արարողությամբ:
Խոսելով հայ-ռուսական առեւտրատնտեսական հարաբերությունների ներկա փուլի մասին' դեսպան Եսայանը նշել է. «Երկու բարեկամ երկրների միջեւ առեւտրատնտեսական համագործակցության ցուցանիշները շարունակում են աճել: Առեւտրաշրջանառության ընդհանուր ծավալը Հայաստանի եւ Ռուսաստանի միջեւ, ըստ նախորդ տարվա տվյալների, գերազանցել է 1 մլրդ դոլարի սահմանագիծը: Իսկ այս տարվա առաջին կիսամյակի տվյալներով, Ռուսաստան արտահանվող հայկական ապրանքների ծավալն աճել է 26 տոկոսով' նախորդ տարվա նույն ժամանակահատվածի տվյալների համեմատությամբ»:
Ելույթով հանդես են եկել նաեւ տնտեսական հարցերով Մոսկվայի քաղաքապետի տեղակալի ժամանակավոր պաշտոնակատար Անդրեյ Շարոնովը' ընդգծելով Հայաստանի մարզերի եւ Մոսկվայի ու հարակից շրջանների միջեւ հաստատված հաջող համագործակցության կարեւորությունը: Նա նշեց, որ Մոսկվայի կառավարությունը շահագրգիռ է նմանատիպ նախաձեռնությունների կազմակերպման հարցում' բնակչությանը տեղեկացնելով երկրից դուրս արտադրվող ապրանքների եւ ծառայությունների մասին:
Միջոցառմանը ներկա էին նաեւ Մոսկվայի կառավարության բարձրաստիճան այլ ներկայացուցիչներ: Բացման արարողությունը ուղեկցվել է հայկական համույթների կատարումներով, ինչպես նաեւ հայ արհեստագործների աշխատանքների ցուցադրությամբ:
Նշենք, որ տոնավաճառին մասնակցում է 30-ից ավելի ընկերություն, որոնք Մոսկվայում ներկայացնում են հայկական ընկերությունների արտադրատեսականին եւ առաջարկվող ծառայությունները:
Տոնավաճառը կգործի մինչեւ սեպտեմբերի 8-ը: Այս օրերին տոնավաճառի տարածքում տեղի կունենան տարբեր միջոցառումներ' համերգային ծրագրեր, փառատոններ, ցուցահանդեսներ եւ մրցույթներ: Հայկական արտադրանքների տոնավաճառի կազմակերպիչն է Մոսկվայի երիտասարդ ձեռներեցների «Բերդ» ասոցիացիան' Մոսկվայի կառավարության առեւտրի եւ ծառայությունների վարչության աջակցությամբ:
Աղբյուրը՝ news.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться