Թբիլիսիի նոր միջազգային օդանավակայանը, որը նախատեսվում է կառուցել նախկին Վազիանի օդանավակայանի տարածքում, շինարարության ավարտից հետո կընդունի 18 միլիոն ուղևոր:
Վրաստանի կառավարությունը որոշում է կայացրել Թբիլիսիի գործող միջազգային օդանավակայանի ընդլայնման փոխարեն կառուցել մոտ 1․3 մլրդ դոլար արժողությամբ նոր միջազգային օդանավակայան: 2024 թվականի հունիսին հայտարարվել է մրցույթ նոր օդանավակայանի զարգացման գլխավոր պլանի մշակման համար։
«Այսօր Թբիլիսիի օդանավակայանի տարողունակությունը կազմում է 4 միլիոն ուղևոր, իսկ նախագծի ամբողջական ավարտից հետո նոր օդանավակայանը նախատեսված կլինի 18 միլիոն ուղևորի համար»,- ասել է Կոբախիձեն։
«Աշխատանքներ են տարվում նաև Քութաիսիի օդանավակայանի նոր գլխավոր հատակագծի ստեղծման ուղղությամբ։ Մենք ցանկանում ենք նոր տերմինալ կառուցել։ Շինարարական աշխատանքները կսկսվեն այս տարի և կավարտվեն 2026 թվականին։ Արդեն ավարտվել են նաև ավտոկայանատեղիի ընդլայնման աշխատանքները։ Տեղերի թիվը հասել է 700-ի»,- ասել է Կոբախիձեն։
Ինչու՞ է անհրաժեշտ Թբիլիսիի նոր օդանավակայանը
Ինչպես ավելի վաղ հայտարարել էին կառավարությունում, ավելի մեծ թողունակությամբ նոր օդանավակայանի կառուցման անհրաժեշտությունն առաջացել Է Թբիլիսիի օդանավակայանում աճող ուղեւորահոսքի ֆոնին, որն ընդլայնման հնարավորություն չունի այն ծավալով, որն անհրաժեշտ է երկրին:
Խոսքը Վազիանիի տարածքում միջազգային կարգի նոր, ժամանակակից օդանավակայանի կառուցման մասին է։ Կառավարությունը քննարկում է նոր օդանավակայանի բաժնեմասը ներդրողներին վաճառելու հնարավորությունները, սակայն վերահսկիչ փաթեթը կպահի իրեն։
Ներկայում Թբիլիսիի մոտ նոր միջազգային օդանավակայանի շինարարությունը սահմանափակված է Թբիլիսիի եւ Բաթումիի օդանավակայանները կառավարող TAV Georgia ընկերության հետ կառավարության գործող համաձայնագրով:
Պայմանագիրը գործում է մինչև 2027 թվականը: Այն սահմանափակում է միջազգային չվերթների իրականացումը Թբիլիսիի օդանավակայանի մոտ 200 կմ շառավղով։
b24.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться