ԵՄ-ն կշարունակի աջակցել Կառավարությանը՝ ուղղված ՄԻՊ ռազմավարության արդյունավետ կատարմանը․ Կայացել է ազգային ռազմավարությունից բխող 2023-2025թթ. գործողությունների ծրագրի կատարումը համակարգող խորհրդի անդրանիկ նիստը

Արդարադատության նախարարի տեղակալ Կարեն Կարապետյանի նախագահությամբ՝ փետրվարի 20-ին տեղի է ունեցել Մարդու իրավունքների պաշտպանության ազգային ռազմավարությունից բխող 2023-2025թթ. գործողությունների ծրագրի կատարումը համակարգող խորհրդի անդրանիկ նիստը:
Ողջունելով ներկաներին՝ նախարարի տեղակալն անդրադարձել է ՄԻՊ ռազմավարությունից բխող գործողությունների ծրագրի մշակման և ընդունման աշխատանքներին՝ ընդգծելով, որ գործողությունների ծրագիրը մշակվել է ներառական գործընթացի շրջանակներում՝ պետական մարմինների և քաղաքացիական հասարակության կազմակերպությունների լայն մասնակցությամբ ու միջազգային գործընկերների աջակցությամբ։ Կարեն Կարապետյանը նաև շեշտել է համակարգող խորհրդի շրջանակներում շահագրգիռ գերատեսչությունների և կազմակերպությունների միջև ակտիվ համագործակցության կարևորությունը և ընդգծել հասարակական կազմակերպությունների ներգրավումը Խորհրդի կազմում։
ՀՀ-ում ԵՄ պատվիրակության ղեկավար, դեսպան Վասիլիս Մարագոսը բարձր է գնահատել Հայաստանի ջանքերը՝ ուղղված երկրում մարդու իրավունքների պաշտպանության և ժողովրդավարական գործընթացներն առաջ մղելուն և շեշտել է, որ ԵՄ-ն կշարունակի ՀՀ կառավարությանն անհրաժեշտ փորձագիտական և տեխնիկական աջակցության տրամադրումը՝ ուղղված գործողությունների ծրագրի արդյունավետ կատարման ապահովմանը։ Դեսպանն ընդգծել է նաև ՄԻՊ ռազմավարւթյան և դրա ներքո գործողությունների կարևորությունը, հատկապես 2023թ․ տեղահանված անձանց իրավունքների և սոցիալական երաշխիքների ապահովման տեսանկյունից։
Հայաստանում ՄԱԿ-ի Զարգացման ծրագրի (ՄԱԶԾ) մշտական ներկայացուցիչ Նաթիա Նացվլիշվիլին ևս կարևորել է գործողությունների ծրագրի ընդունումը՝ արձանագրելով կիրառված մասնակցային գործընթացի կարևորությունը և վերահաստատելով ՄԱԶԾ պատրաստակամությունը՝ շարունակական աջակցություն տրամադրելու գործողությունների ծրագրի իրականացման և համակարգման գործընթացին։
Նիստի ընթացքում քննարկվել է 2023 թվականի երկրորդ կիսամյակի գործողությունների իրականացման հաշվետվությունը։ Արդարադատության նախարարի տեղակալը ներկայացրել է գործողությունների կատարման ընդհանուր պատկերը և անդրադարձել Արդարադատության նախարարության լիազորությունների շրջանակներում նախատեսված և կատարված աշխատանքներին։
Համակարգող խորհրդի անդամ հասարակական կազմակերպությունների ներկայացուցիչներն անդրադարձել են հաշվետվության վերաբերյալ իրենց դիտարկումներին և ներկայացրել առաջարկություններ՝ ուղղված գործողությունների ծրագրի կատարման և մշտադիտարկման աշխատանքների հնարավոր կատարելագործմանը։
Նիստի շրջանակներում քննարկվել են նաև կատարման ենթակա հետագա քայլերը և պայմանավորվածություն է ձեռք բերվել նիստի արդյունքներով լրամշակել ու հաստատել 2023 թվականի 2-րդ կիսամյակի գործողությունների կատարման հաշվետվությունը։
Միջոցառումը կազմակերպվել է «Հաշվետու հաստատություններ և մարդու իրավունքների պաշտպանությունը Հայաստանում» ծրագրի շրջանակում, որը ֆինանսավորվում է Եվրոպական միության (ԵՄ) կողմից և իրականացվում ՄԱԿ-ի Զարգացման ծրագրի (ՄԱԶԾ), ՅՈՒՆԻՍԵՖ-ի, ՄԱԿ-ի Բնակչության հիմնադրամի և ԵԱՀԿ-ի հետ համագործակցության միջոցով:


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Միջազգային համագործակցություն
• Մոսկվան Հայաստանին վերստին թույլատրել է կաթնամթերք արտահանել ՌԴ• Հայաստանի և Իրանի միջև ապրանքաշրջանառությունը մի քանի տարիների ընթացքում աճել է 2-3 անգամ. դեսպան• Հայաստանի և Ղազախստանի միջև ստորագրվել են մի շարք փաստաթղթեր• Գևորգ Պապոյանն ընդունել է Հայաստանում Պարենի և գյուղատնտեսության կազմակերպության ներկայացուցիչ Ռայմունդ Յելեի գլխավորած պատվիրակությանը• Հայ-ղազախական հարաբերությունները վերջին տարիների կտրվածքով ունեն բավականին լուրջ զարգացում․ Թաթուլ Մանասերյան• Ասիական զարգացման բանկի ձեռբերումները Հայաստանում 2023թ.-ին• Ինդոնեզիան ցանկանում է այս տարի ԵԱՏՄ-ի հետ առևտրային գործարք կնքել• Շվեյցարիան մեկնարկում է 9 միլիոն շվեյցարական ֆրանկ արժողությամբ 10-ամյա նախագիծ• ԵՄ-ն 30 000-ական եվրոյի դրամաշնորհ է հատկացրել Սևան և Չարենցավան քաղաքներին

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

Баннерная сеть СИП-ДБ©
«Բուկինիստ» ՍՊԸ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • «Delta Beta» PR-գործակալություն