Որոշվել են Ոսկերչի օրվա կապակցությամբ «Գնոմոն» գործարանում անցկացված ոսկերչական գործի վարպետների մրցույթի հաղթողները, հայտնում է ընկերության մամուլի ծառայությունը:
Մրցույթն անցկացվել է նոյեմբերի 10-ին: «Լավագույն ոսկերչական աշխատանք» և «Լավագույն դիզայն» անվանակարգերում իրենց աշխատանքներն են ներկայացրել չորս խմբի մասնակիցներ:
Գլխավոր ոսկերիչ Արմենակ Եղիազարյանի գլխավորած առաջին խումբը ներկայացրել է «Հայոց այբուբեն» պաննոն և դիզայներական մատանիներ, Լիլիթ Պետրոսյանի գլխավորությամբ տեխնիկական բաժնի երկրորդ խումբը ներկայացրել է «Տրդատ Արքա» մանրանկարչական աշխատանքը և Վ. Համբարձումյանի մրցանակային մեդալը, գլխավոր ժամագործ Գեղամ Ստեփանյանի երրորդ խումբը՝ ոսկյա ապարանջան ժամացույցով և ժամացույց զինծառայողների համար, իսկ վաճառքների ու մարքեթինգի բաժնի չորրորդ խումբն Աղասի Պողոսյանի ղեկավարությամբ՝ «Գնոմոն» ապրանքանիշով ունիվերսալ ոսկյա գարնիտուր:
Ժյուրիի կազմում են Երևանի «Գնոմոն» ոսկերչական գործարանի գլխավոր տնօրեն Էմիլ Գրիգորյանը, տեխնիկական տնօրեն Հովհաննես Եսայանը և Հայաստանի հայտնի նկարիչ Ռուբեն Առուչյանը գանահատեցին մրցութային աշխատանքները մի շարք չափանիշներով՝ որակ, ստեղծագործական մոտեցում, նորագույն տեխնոլոգիաների օգտագործում:
«Մրցույթի արդյունքներով մրցանակային տեղերը բաշխվել են հետևյալ կերպ՝ առաջին տեղում է մասնակիցների առաջին խումբը, երկրորդ տեղը կիսել են 2-րդ և 3-րդ խմբերը, երրորդ տեղում է 4-րդ խումբը: Լավագույն ոսկերչական ստեղծագործություն է ճանաչվել «Հայոց այբուբեն» ոսկե պաննոն, իսկ «Լավագույն դիզայն» անվանակարգում՝ ոսկե մատանիները»,- նշվում է հաղորդագրության մեջ:
Աղբյուրը՝ arka.am
Լուսանկարը՝ arka.am
Անուն* | |
Ձեր էլ. հասցեն* | |
Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться