ՀՀ գյուղատնտեսության նախարար Սերգո Կարապետյանը հուլիսի 29-ին այցելել է Երևանի «Արարատ» սննդի կոմբինատ' նոր հոսքագծի կառուցման աշխատանքներին ծանոթանալու նպատակով:
Նախարարը «Արարատ» սննդի կոմբինատի սեփականատեր Սարգիս Թարվերդյանի ուղեկցությամբ շրջել է նորակառույց վերամշակման արտադրամասում և հույս է հայտնել, որ մինչև դեղձի մթերման աշխատանքների մեկնարկը նոր հոսքագիծը կշահագործվի:
«Արարատ» սննդի կոմբինատի տնօրեն Երվանդ Թարվերդյանը նշել է, որ նոր հոսքագծի շնորհիվ տեղում կիրականացվի մրգի, բանջարեղենի և հատապտուղների վերամշակում:
Նախարարը շնորհակալություն է հայտնել կազմակերպության տնօրինությանը ծիրանի մթերման աշխատանքները պատշաճ կազմակերպելու համար և հույս է հայտնել, որ դեղձի մթերման դեպքում ևս խոչընդոտներ չեն լինի:
Կոմբիատի տնօրենը նախարարին հավաստիացրել է, որ նախատեսել են այս տարի մթերել շուրջ 500 տոննա դեղձ, սակայն չի բացառվում, որ կավելացնեն մթերման ծավալները: Ինչպես ծիրանի , այնպես էլ դեղձի պարագայում, գործարանը մթերվող բերքի դիմաց վճարումը կատարելու է տեղում:
Հանդիպման ավարտին ՀՀ գյուղատնտեսության նախարարը հաջողություն է մաղթել և նշել է, որ մթերվող բերքի պարագայում պետք է լինի խելամիտ գին, որը կբխի թե' գյուղմթերք արտադրողի, թե' վերամշակողի շահերից:
Աղբյուրը՝ minagro.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться