Գյուղատնտեսության ոլորտին 2013թ-ի պետբյուջեով հատկացվելու է 12 մլրդ 980 մլն 692 հազար դրամ, որից 4,9 մլրդ դրամը հատկացվելու է հատուկ ծախսերի համար, իսկ 8 մլրդ-ը կտրամադրվի վարկային ծախսերի համար: Այս մասին նոյեմբերի 2-ին Ազգային ժողովում 2013թ-ի պետբյուջեի քննարկման ժամանակ նշեց ՀՀ Ֆինանսների փոխնախարար Պավել Սաֆարյանը:
«Հաշվի առնելով, որ գյուղատնտեսական ոչ բոլոր վարկային ծրագրերն են կառավարվում գյուղատնտեսության նախարարության կողմից' բուն գյուղատնտեսության նախարարության համար նախատեսված գումարները կազմում են 4,1 մլրդ դրամ, իսկ հատկացումների աճը կազմում է 110 մլն դրամ, այսինքն' 2,7 տոկոս»,- տեղեկացրեց Սաֆարյանը:
«Արմենպրես»-ի հաղորդմամբ' Ֆինանսների փոխանախարարը նշեց, որ ջրային տնտեսության ոլորտում նախատեսված ծախսերն 2013թ-ի պետբյուջեով կազմում են 34 մլրդ 240 հազար դրամ, որը 5,9 մլրդ դրամով ավելի է, քան նախորդ տարվա բյուջետային հատկացումը:
Ջրային տնտեսության ոլորտում ծախսային մասի ավելացումը հիմնականում պայմանավորված է դրամաշնորհային ծրագրերի ներգրավմամբ:
Աղբյուրը՝ armenpress.am
Լուսանկարը՝ armenpress.am
| Անուն* | |
| Ձեր էլ. հասցեն* | |
| Ուղարկվող էլ. հասցեն* | |
Комментарии
нет комментариев
Написать комментарий
Комментарии может оставить только зарегистрированный пользователь.Вам необходимо авторизоваться или зарегистрироваться