• Armenianeconomy.com

Կարձանագրենք, որ մեր նկատմամբ խաբեություն տեղի ունեցավ. ձախողում Նաիրիտի հարցով

01 սեպտեմբերի 2017 | Բիզնես լուրեր, Տնտեսություն | Цитата

ՀՀ կառավարության աշխատակազմի ղեկավարի տեղակալ Վահե Ջիլավյանը «Արմենպրես»-ին տված հարցազրույցում հայտարարել էր, որ «Նաիրիտ» գործարանի վերագործարկման նպատակով «Եվրոպա-Ասիա բիզնես ֆինանսական կենտրոն» հոլդինգի հետ քննարկումների իրականացնումն իրատեսական չէ, քանի որ դրա համար անհրաժեշտ են մի քանի տասնյակ միլիոն ԱՄՆ դոլարի հասնող ներդրումներ, մինչդեռ հոլդինգի սեփական կապիտալը հասնում է ընդամենը մի քանի հազար ԱՄՆ դոլարի: Վահե Ջիլավյանը նաեւ նշել է, թե իրենք պարզել են, որ հոլդինգը 2016 թվականին 404 եվրոյի վնաս, 4 հազար 596 եվրոյի սեփական կապիտալ եւ 32 հազար եվրո ակտիվներ, իսկ հոլդինգը գրանցված է այլ հասցեում, սակայն կառավարություն ներկայացվեել է այլ հասցե:

Armtimes.com-ը «Եվրոպա-Ասիա բիզնես ֆինանսական կենտրոն» հոլդինգի նախագահ Աշոտ Գրիգորյանի հետ զրույցում փորձել է պարզել, թե արդյո՞ք կառավարության հետ ընթացող բանակցությունները տապալվել են:

- Պարոն Գրիգորյան, Վահե Ջիլավյանը նշել է, որ ձեր ներկայացրած փաստաթղթերում հոլդինգի հասցեի եւ Սլովակիայի Հանրապետության արդարադատության նախարարության բիզնես ռեգիստրի պաշտոնական կայքում հոլդինգի հասցեի տարբերություն կա: Ինչպե՞ս կմեկնաբանեք դա:

- Կարճ պատասխանեմ: Հիմարություն է ասածը, եւ չեմ ցանկանում որեւէ բացատրություն տալ, եւ չգիտեմ ինչ նպատակ է հետապնդում նման հայտարարությունը:

- Ըստ կառավարության ներկայացուցչի հրապարակ փաստերի հոլդինգն ունեցել է 404 եվրոյի վնաս, իսկ կանոնադրական կապիտալը կազմել է ընդամենը 4 հազար 596 եվրո:

- Հերթական հիմարությունը, որովհետեւ ներդրողները խոշոր ընկերություններ են եւ ներդրողները հոլդինգի ղեկավարության ներքո ֆինանսավորումը կպատրաստեն այն պահին, երբ որ պայմանագիրը կստորագրվի «Նաիրիտի» վերագործարկման հետ կապված: Իսկ թե մենք գումարները ո՞ր միջազգային բանկերում ենք պատրաստել, թող մնա մեր ուսերի վրա: Միայն հայտարարում ենք, որ այն գումարները, որոնք մենք նախատեսել ենք ֆինանսավորման համար, մեր հոլդինգի անդամները դրանից մի կարգ ավելի բարձր թվերի հետ են աշխատել: Հոլդինգի անդամներն ունեն հսկայական միլիարդանոց ծրագրեր եւ մի քանի հարյուր միլիոն վարկավորելը խնդիր չի, բայց ոչ թե հոլդինգի բանկային հաշվից փոխանցումներ անելու մասին է, այլ հոլդինգի անդամների: Դրանք, ըստ էության, տարբեր բաներ են:

- Ջիլավյանը նշում է նաեւ, որ իրատեսական չի համարում «Նաիրիտի» վերագործարկման վերաբերյալ քննարկումը 4 հազար 596 եվրո կապիտալ ունեցող ընկերության հետ: Սպասելի՞ էր ձեր համար նման վերաբերմունքը:

- Իհարկե՝ սպասելի էր: Մենք 2017 թվականի հունվարի տենդերին ենք մասնակցել: Բոլոր փաստաթղթային պահանջները բավարարել ենք, ներկայացրել ենք մեր բալանսները: Սովորաբար մրցույթում ներկայացվում է չէ՞ ինչ բալանս պետք է ունենա ընկերությունը, որպեսզի թույլատրեն մասնակցել մրցույթին: Մեր բոլոր փաստաթղթերը վերցրել են եւ մինչեւ այսօր ոչ մի պատասխան չեն տվել: Մեր հույսերը մարել են, որ այս կառավարությունը նորմալ մեր հետ աշխատելու է «Նաիրիտ»-ի վերաթողարկման շուրջ: Մեր հույսը մարել է արդեն 2017 թվականի հունվարից, երբ որ մենք չարչարվեցինք եւ բոլոր փաստաթղթերը պատրաստեցինք: Դա հեշտ չէր, համաշխարհային 5-6 կազմակերպություններ, տարբեր երկրներից, բոլորից հավաքել, ուղարկել ու պատասխան չտալ:

Մեր նամակն այսօր ստացել է վարչապետ Կարեն Կարապետյանը: Ինձ դիմել են «Նաիրիտ»-ԵՄ կոնսորցիումի մի շարք անդամներ, շատ խիստ տոնով գրել են, որ եթե Հայաստանը ներդրումների կարիք չունի, ապա խնդրում են իրենց հայտնել, որ այլեւս Հայաստան չայցելենք, իսկ եթե ուժի մեջ են մեր պայմանավորվածությունները, որ Հայաստանում ներդրումներով ենք հետաքրքրված:

Մենք ինչ առաջարկներ ենք ներկայացրել եւ ինչ շուկայական խոսակցություններ են գնում ցածր մակարդակի չինովնիկների կողմից: Չնայած, բնական է: Դրա մեջքին կանգնած է երկրի նախագահը, եւ այս մանր-մունր խոսակցությունները, մենք վաղուց արդեն լսում ենք, սրանք կապված են նրա հետ, որ պետք է թաքցնել նույն իշխանության կողմից կատարված սարսափելի թալանը, ավելի քան 300 միլիոն դոլար Տիգրան Սարգսյանի վարչապետության ժամանակ գողացվել է: Մենք արդեն հասկանում ենք, որ «Նաիրիտ»-ը վերականգնելը անհնար է այդ պատճառով: Մարդիկ դեռ միլիոնների կողոպտելու հնարավորություն ունեն, ինչի՞ պետք է վերաթողարկեն գործարանը:

- Կարո՞ղ ենք ասել, որ վերջնականապես ձեր հոլդինգի եւ կառավարության բանակցությունները «Նաիրիտի» հարցով տապալված են:

- Մենք նրանցից դեռ պատասխան չունենք, ես ինձ թույլ չէի տա այդպես խիստ արձանագրել: Մենք նամակ ենք ուղարկել, եթե դրա պատասխանն էլ չստացանք, ապա կարձանագրենք, որ իշխանությունների կողմից մեր նկատմամբ խաբեություն տեղի ունեցավ: 15 հոգանոց պատվիրակություն ես բերեցի 16 թվականի հոկտեմբերին, ամառն էլ ես 5 հոգի ուղարկեցի Երեւան, մենք սա կհայտարարենք շատ մեծ խաբեություն մեր նկատմամբ, եւ հարց կբարձրացնենք, թե ինչու են այլեւս Հայաստան-սփյուռք համաժողով իրականացնում, եթե սփյուռքի նման գործիչ ինչպիսին ես եմ, իրենք մեզ չեն թողնում երկրում ներդրում անելու:

www.armtimes.com


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Բիզնես լուրեր
• Նոր ակցիա. Յունիբանկն առաջարկում է SWIFT-ով փոխանցումներ ընդամենը 0.05 % սակագնով• ՍԱՊԾ-ն կանխել է վտանգավոր պաղպաղակի իրացումը• Հայաստանում դեղորայքն ու բուժսպասարկումը, հնարավոր է, էժանանան. Հակոբ Հակոբյան• Դրամային փոխանցումները Ռուսաստանից Հայաստան աճել են, սակայն հեռանկարները մշուշոտ են• Եթե ՌԴ-ն ցանկանա ատոմակայան կառուցել Հայաստանում, մենք կօգտվենք այդ առիթից. փոխնախարար• ՎիվաՍել-ՄՏՍ-ը Հայաստանում ներդնում է Mobile Connect ստանդարտը, այդ թվում՝ Mobile ID համակարգը• Չինացի ներդրողները մտադիր են Հայաստանում ջրերի արտադրություն հիմնել• Քննարկում ՀԱԳՄ-ում• Ոչ թե փնտրեք, այլ ընտրե՛ք...
Տնտեսություն
• Հայաստան–ԵՄ համաձայնագիրը հավանության է արժանացել Եվրախորհրդարանի կոմիտեի կողմից• ՎՏԲ-Հայաստան Բանկն իջեցրել է ապառիկ վարկերի տոկոսադրույքները և բարելավել է վարկերի տրամադրման պայմանները• ՊԵԿ-ի կայքում հասանելի է ներմուծված ապրանքների, այդ թվում ավտոմեքենաների մաքսային արժեքի մասին տեղեկատվությունը• ՍԱՊԾ-ն կանխել է վտանգավոր պաղպաղակի իրացումը• Հայաստանում դեղորայքն ու բուժսպասարկումը, հնարավոր է, էժանանան. Հակոբ Հակոբյան• ՊԵԿ-ը գործարկել է ապրանքների հայտարարագրերի գրանցման էլեկտրոնային համակարգը• Դրամային փոխանցումները Ռուսաստանից Հայաստան աճել են, սակայն հեռանկարները մշուշոտ են• Եթե ՌԴ-ն ցանկանա ատոմակայան կառուցել Հայաստանում, մենք կօգտվենք այդ առիթից. փոխնախարար• SALI կոշիկի եւ աքսեսուարների խանութների ցանցը ստացել է կաշվի եւ մորթու ներմուծման մաքսային արտոնություն

Комментарии

нет комментариев

Написать комментарий

Комментарии может оставить только зарегистрированный пользователь.
Вам необходимо авторизоваться или зарегистрироваться
Неправильный логин/пароль
Почта
Пароль
 
Имя (обязательно)
Почта (обязательно)
Пароль (обязательно)
 

In Tour Expo 2018СТРОИТЕЛЬСТВО И ИНТЕРЬЕР 2018
Баннерная сеть СИП-ДБ©
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԿԱՌԱՎԱՐՈւԹՅՈւՆ
Հայաստանի Հանրապետության Ազգային ժողով
ՀՀ Հարկային Ծառայություն
  ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՆՏԵՍԱԿԱՆ ԶԱՐԳԱՑՄԱՆ ԵՎ ՆԵՐԴՐՈՒՄՆԵՐԻ ՆԱԽԱՐԱՐՈՒԹՅՈՒՆ
ՀՀ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅՈՒՆ
Որոնել նյութ ըստ ամսաթվի
  • Հայաստանի Արդյունաբերողների և Գործարարների (Գործատուների) Միություն
  • Prom Expo LLC
  • «Delta Beta» PR-գործակալություն
  • Այվազովսկու անվան բարեգործության և մեկենասության աջակցման միաբանություն
  • Կուրորտաբանության և ֆիզիկական բժշկության գիտահետազոտական ինստիտուտ
  • «Սուրբ Աստվածամայր» բժշկական կենտրոն
  • «Ս.Վ.Մալայանի անվան ակնաբուժական կենտրոն»
  • ПОСОЛЬСТВО РОССИЙСКОЙ ФЕДЕРАЦИИ В РЕСПУБЛИКЕ АРМЕНИЯ
  • ՀՀ Առողջապահության Նախարարության  «Ավան» հոգեկան առողջության կենտրոն
  • Հոգեսոցիալական կարգավորման կենտրոն
  • Отдых в Армении, отдых за рубежом
  • 3-ая международная туристическая выставка In Tour Expo-2016
  • Экономические новости Армении
  • Тур оператор СаниНур
  • ООО