Հայաստանը ԵՏՄ անդամ է դարձել առավել շահավետ պայմաններով, ինչը գործընկերների շրջանում «չկորչելու» հնարավորություն է ընձեռում, մարտի 31-ին «Sputnik-Արմենիա» ռադիոկայանի եթերում ասել է ԱՊՀ երկրների ինստիտուտի Էկոնոմիկայի բաժնի ղեկավար Ազա Միհրանյանը։

Մարտի 30–ին մայրաքաղաքի «ԷԼԻՏ ՊԼԱԶԱ» բիզնես կենտրոնում կայացավ խորհրդակցություն Հայաստանի գործարար համայնքի ներկայացուցիչների հետ «Եվրասիական տնտեսական միության շուկան առանց խոչընդոտների» թեմայով, որը կազմակերպել էին ՀՀ միջազգային տնտեսական զարգացման և բարեփոխումների նախարարությունը, Եվրասիական տնտեսական հանձնաժողովը և Հայաստանի արդյունաբերողների և գործարարների միությունը։

Եվրասիական միության տարածքում միասնական արժույթի ստեղծման համար դեռևս շատ աշխատանք կա կատարելու: Այս մասին Երևանում անցկացվող «ԵՏՄ շուկան առանց խոչընդոտների» քննարկման ժամանակ հայտարարեց Եվրասիական տնտեսական հանձնաժողովի կոլեգիայի անդամ, նախարար Տատյանա Վալովայան: Նրա խոսքով' մինչ ընդհանուր արժույթի մասին խոսելը պետք է երկար ճանապարհ անցնել: «Պետք է լինեն հիմքեր, որ ձևավորվի այդ արժույթը:

Եվրասիական տնտեսական միության երկրներում տնտեսական և ՀՆԱ-ի աճի ցուցանիշները 2015 թվականին կարող են զիջել նախորդ տարվա ցուցանիշները: Այս մասին Երևանում լրագրողների հետ զրույցում ասաց Եվրասիական տնտեսական հանձնաժողովի կոլեգիաի անդամ, նախարար Տատյանա Վալովայան' ընդգծելով, որ 2016-ին կանխատեսում է տնտեսական ճգնաժամի հաղթահարում:

Հայաստանը կարող է զուգահեռ զարգացնել գործակցությունը ԵՏՄ–ի և ԵՄ–ի հետ, մարտի 23-ին ասաց «Այլընտրանք» հետազոտական կենտրոնի ղեկավար Թաթուլ Մանասերյանը ԵՏՄ–ում ընդհանուր արժույթի ներդրման թեմայով տեսակամրջի ընթացքում։

Եվրասիական տնտեսական միության շրջանակում արժութային միությունը կարելի է ստեղծել աստիճանաբար՝ սկզբնական փուլում այդ միության մեջ կարող են մտնել ոչ բոլոր միավորված պետությունները, կարծում է ՌԴ Էկոնոմիկայի և զարգացման նախարարի առաջին տեղակալ Ալեքսեյ Լիխաչովը։

Գործադիրը հավանություն է տվել ՀՀ կառավարության և ՉԺՀ կառավարության միջև 2015-2018թթ. Չինական Ժողովրդական Հանրապետության կողմից Հայաստանի Հանրապետությանն արտոնյալ պայմաններով վարկեր տրամադրելու շրջանակային համաձայնագրի կնքման առաջարկությանը:

Վարչապետ Հովիկ Աբրահամյանն մարտի 17-ին ընդունել է Կանադայից ժամանած գործարարների պատվիրակությանը: Հանդիպմանը ներկա էր նաև ՀՀ սփյուռքի նախարար Հրանուշ Հակոբյանը, Հայաստանում Կանադայի արտակարգ և լիազոր դեսպան Ջոն Քյուրը և պատվավոր հյուպատոս Արտաշես Էմինը, դեսպանության ներկայացուցիչներ:

Հայաստանից դեպի Ռուսաստանի Դաշնություն ձուկ-ձկնամթերք արտահանելու իրավունք ունի թվով 26 տնտեսավարող, սակայն հայտնաբերված խախտումների պատճառով նրանցից 6-ին ժամանակավոր արգելվել է արտահանում իրականացանել, տեղեկացնում է Հայաստանի սննդամթերքի անվտանգության պետական ծառայությունը։

Մարտի 16–ին մայրաքաղաքի «Արմենիա–Մարիոթ» հյուրանոցում կայացավ եռօրյա այցով Հայաստանում գտնվող «Կանադական առևտրային առաքելություն Հայաստանում» պատվիրակության հանդիպումը գործարարների, գործարար կազմակերպությունների, ինչպես նաև դիվանագիտական հաստատությունների ներկայացուցիչների հետ, ինչը կազմակերպվել էր նաև Հայաստանի արդյունաբերողների և գործարարների միության աջակցությամբ։

Մարտի 4–ին Հայաստանի արդյունաբերողների և գործարարաների միությունը հյուրընկալեց Բելառուսի Հանրապետության Գոմելի մարզի գործարար պատվիրակությանը, որում ընդգրկված են հատկապես կաթնամթերքի, մսամթերքի և կահույքագործության ոլորտի ընկերությունների ներկայացուցիչներ։

Փետրվարի 27-ին «ԵՐԵՎԱՆ ՊԼԱԶԱ» բիզնես կենտրոնում Հայաստանի արդյունաբերողների և գործարարների (գործատուների) միությունը «Հայաստանի մարդկային կապիտալի գնահատման և շրջանավարտների զբաղվածունակությանն ուղղված բարձրագույն կրթության ցանց» ՀԵՆ-ԳԵՐ Տեմպուս (HEN-GEAR Tempus) ծրագրի շրջանակներում կազմակերպեց հանդիպում գործարար ոլորտի ներկայացուցիչների հետ՝ մասնակցությամբ ծրագրի համակարգող իտալացի հյուրի և շահագրգիռ կազմակերպությունների:

Վարչապետ Հովիկ Աբրահամյանն փետրվարի 27-ին ընդունել է Մշակութային դիվանագիտության ինստիտուտի գործադիր տնօրեն և հիմնադիր Մարկ Դոնֆրիդին: Հանդիպմանը զրուցակիցները քննարկել են Մշակութային դիվանագիտության ինստիտուտի նախաձեռնությամբ 2015 թ. հոկտեմբերին Հայաստանում կայանալիք «Միջազգային բիզնես և պատասխանատու ներդրումներ Կովկասում և Կենտրոնական Ասիայում» ներդրումային համաժողովին վերաբերող բովանդակային և կազմակերպչական հարցեր:

Վարչապետ Հովիկ Աբրահամյանն փետրվարի 23-ին ընդունել է ԱՄՆ Միջազգային զարգացման գործակալության փոխտնօրեն Սյուզան Ֆրիցին և ԱՄՆ ՄԶԳ հայաստանյան գրասենյակի ղեկավար Քարեն Հիլիարդին: Հովիկ Աբրահամյանն արդյունավետ և բարձր է գնահատել ՀՀ կառավարության ու ԱՄՆ ՄԶԳ-ի միջև համագործակցությունը, ինչպես նաև տարբեր բնագավառներում իրականացվող բարեփոխումներին ցուցաբերվող օժանդակությունը:

2014թ. Հայաստանից Եվրամիություն արտահանվող փայլաթիթեղի ծավալները ավելացել են։ Այս մասին վկայում են 2014թ. Հայաստանի արտաքին առեւտրի վիճակագրական տվյալները, որոնք հրապարակել է ՀՀ Ֆինանսների նախարարության Մաքսային ծառայությունը։