Երևանի քաղաքապետարանի 2013 թվականի շինբարեկարգման ծրագիրը շուրջ 90 տոկոսով ավարտված է: Հիմնանորոգման համար նախատեսված 30 փողոցներից մի քանիսում դեռ շարունակվում են ասֆալտապատման աշխատանքները:

Քաղաքապետ Տարոն Մարգարյանը այցելել է Հույսի Ավան թաղամաս: «Դիակոնիա» բարեգործական հիմնադրամի հետ համատեղ իրականացվող ծրագրի շրջանակում քաղաքապետը նոր բնակարնների բանալիներ է հանձնել սոցիալապես անապահով երկու ընտանիքների:

Մայրաքաղաքի բակային տարածքների ասֆալտապատման, առանձին դեպքերում էլ՝ փոսալցման աշխատանքների ծավալը 2013թ.-ին կազմում է 1 միլիոն 100 հազար քառակուսի մետր:

Երևանի քաղաքապետարանի և վարչական շրջանների 2013 թվականի շինբարեկարգման տարեկան ծրագրով առաջին անգամ մայրաքաղաքի փողոցների ու բակերի ասֆալտապատման ծավալները կհասնեն 2.5 միլիոն քառակուսի մետրի: Այս ցուցանիշի գրեթե կեսը բաժին է ընկնում ավելի քան 30 փողոցներում նախատեսված հիմնանորոգման աշխատանքներին:

Երևանի քաղաքապետ Տարոն Մարգարյանի հանձնարարությամբ շինարարական աշխատանքների կազմակերպման համար տրամադրվող քաղաքաշինական փաստաթղթերում պարտադիր պետք է ամրագրված լինի շինհրապարակը բնապահպանական չափանիշներով կահավորելու բաղադրիչն ու համապատասխան պայմանների ապահովումը' շրջակա միջավայրի վրա վնասակար ազդեցությունը նվազեցնելու և հարակից տարածքներն աղտոտումից զերծ պահելու համար:

Աշխատանքային հերթական խորհրդակցության ընթացքում Երևանի քաղաքապետ Տարոն Մարգարյանը, նախքան օրակարգային հարցերին անցնելը, ներկայացրել է Երևան քաղաքի նոր գլխավոր ճարտարապետ Տիգրան Բարսեղյանին և հույս հայտնել, որ, պահպանելով մայրաքաղաքի ընդհանուր ճարտարապետական դիմագիծն ու կիրառելով նոր մոտեցումներ, ճարտարապետը իր նպաստը կունենա Երևանի քաղաքաշինական զարգացման գործում:

Հայաստանին անհրաժեշտ են էներգաէֆեկտիվ շինարարության մասնագետներ: Նման կարծիք հայտնեց Հայաստանի ճարտարապետների միության նախագահ Մկրտիչ Մինասյանը: Նրա խոսքով' Հայաստանում էներգախնայողական տեխնոլոգիաներն ու շինանյութերն առայժմ հաճախակի չեն կիրառվում, բայց մեղավորը ցածր պահանջարկը չէ:

Այս տարվա հունիսին առանձնատների շուկան հետաքրքիր «փաստ» է արձանագրել. Երեւանի վարչական շրջանների կտրվածքով, հունիսին միջին գները բացարձակ ճշգրտությամբ համընկել են մայիսի ցուցանիշների հետ:

Մայրաքաղաքի բնակարանային շուկայում, առաջին հայացքից, որոշ առումով հակասական իրավիճակ է ստեծվել: Այսպես, ընթացիկ տարվա առաջին կիսմայակում, նախորդ տարվա նույն ժամանակահատվածի համեմատ, բնակարանների առքուվաճառքի գործարքների թիվը նվազել է 5,1%-ով:

2012 թվականին Երևանի ավագանու համապատասխան որոշմամբ ամրագրվել են շինհրապարակների կազմակերպման և սանիտարական նորմերի ապահովման պարտադիր պայմանները' ներառյալ տվյալ կառույցի մասին վկայող ցուցանակի առկայությունը, հետիոտնի տեղաշարժի համար անհրաժեշտ անցուղիների կահավորումը, ինչպես նաև տարածքի սահմանազատումն ու պաստառապատումը:

Հայաստանում 2013 թ. հունվար-հունիսին իրականացվել է 123,3 մլրդ դրամի (մոտ 300 մլն դոլարի) շինարարություն: Այդ մասին տեղեկացնում է ՀՀ ազգային վիճակագրական ծառայությունը: Նախորդ տարվա նույն ժամանակահատվածի համեմատ շինարարության ծավալը նվազել է 8,8%-ով:

Երևանի քաղաքապետարանի 2013թ. շինբարեկարգման ծրագրերով մայրաքաղաքում շարունակվում են փողոցների, բակերի և մայթերի ասֆալտբետոնե ծածկի վերականգնման աշխատանքները: Գործընթացն իրականացվում է Երևանի բոլոր վարչական շրջաններում:

«Էլիտ գրուպ» շինարարական ընկերությունը այս տարվա աշնանը կսկսի «հասանելի բնակարաններ Երեւանում» ծրագիրը: Այդ մասին ասաց «Էլիտ գրուպի» նախագահ Արմեն Մկոյանը: «Մենք նոր ծրագիր ունենք՝ հասանելի տների ծրագիր, որի պահանջարկը կա, սակայն բնակարանների գներն են բարձր, այսօր ցածր նիշայի համար առաջարկներ չկան»,- ասաց Ա. Մկոյանը:

Երևանի քաղաքապետարանի շինբարեկարգման 2013 թվականի ծրագիրը մեկնարկել է վաղ գարնանից: Գլխավոր և երկրորդական փողոցների, մայթերի, բակային տարածքների, ինչպես նաև գրունտային ճանապարհների ընդհանուր շուրջ 2.5 մլն քմ ասֆալտապատման ծավալից տարվա առաջին կիսամյակում իրականացվել են շուրջ 1,5 մլն քմ ասֆալտապատման աշխատանքներ:

Քաղաքապետ Տարոն Մարգարյանի հանձնարարությամբ, մայրաքաղաքի համաչափ զարգացման համատեքստում, լուսավորման լայնածավալ աշխատանքներ են իրականացվում մայրաքաղաքի բոլոր վարչական շրջաններում: