Հայաստանում 2013 թ. առաջին կիսամյակում նվազել են իրական աշխատավարձերը: Այդ մասին նշված է ՀՀ կենտրոնական բանկի հրապարակած առաջին կիսամյակի ֆինանսական կայունության հաշվետվության մեջ:

Երևանի քաղաքապետարանում հոկտեմբերի 23-ին տեղի է ունեցել Համաշխարհային բանկի անմիջական և գործնական աջակցությամբ ու օժանդակությամբ քաղաքապետարանի ծախսերի և ֆինանսական հաշվետվողականության գնահատման արդյունքների ամփոփման աշխատաժողովը։

Հայաստանի կառավարությունն ունի մտավախություններ՝ կապված 2014թ բյուջեի կատարաողականության հնարավորության հետ: Այս մասին հոկտեմբերի 23-ին կայացած մամուլի ասուլիսի ժամանակ հայտարարել է տնտեսագետ, Երեւանի պետական տնտեսագիտական համալսարանի դոցենտ Աշոտ Եղիազարյանը, ընդգծելով, որ դա կապված է Մաքսյին միությանն անդամակցելու որոշման հետ:

«Գրանատուս Վենչուր Ֆոնդ I» ՓԲԸ–ի 3,3 մլն դոլար ընդհանուր գումարի 9 հազար բաժնետոմսերը ձեռք կբերի ՀՀ կառավարությունը: Համապատասխան որոշումն ընդունվել է հոկտեմբերի 3-ի կառավարության նիստի ընթացքում։

Հայաստանի Հանրապետության կառավարությունը հոկտեմբերի 3-ին որոշում ընդունեց շարունակել Արմավիրի մարզում կարկտահարությունից տուժածներին օգնության տրամադրումը:

Միջազգային ֆինանսական կազմակերպությունների գնահատականով՝ Հայաստանն այլեւս աղքատ երկրների խումբ չէ, փոխադրվել է միջին եկամուտ ունեցող երկրների խումբ: Այդ մասին հոկտեմբերի 3-ին լրագրողների հետ հանդիպման ժամանակ ասաց ՀՀ ֆինանսների նախարար Դավիթ Սարգսյանը:

Հայաստանում միջին ամսական անվանական աշխատավարձը 2013թ.–ի օգոստոսին 149 725 հազար դրամ է կազմել (368 դոլար կամ 12 143 ռուբլի), ինչը 5 տոկոսով պակաս է հուլիսի ցուցանիշից, հայտնում է Հայաստանի ազգային վիճակագրական ծառայությունը։

Հայաստանը վաղաժամկետ մարում է Ռուսաստանից վերցրած 500 մլն վարկի մնացորդը: ՀՀ կառավարությունը հոկտեմբերի 3-ին որոշեց 440 մլն դոլար տրամադրել այդ նպատակով, որը ներառում է ինչպես մայր գումարի մնացորդի, այնպես էլ հաշվարկված տոկոսների պարտքը:

Հայաստանի 2014 թ.–ի պետբյուջեի նախագծում 12–ամսյա գնաճի ցուցանիշը դրված է 4 տոկոսի մակարդակում (±1,5%)։ Կառավարության կայքում հրապարակված հաջորդ տարվա պետբյուջեի նախագծի համաձայն' ՀՀ ԿԲ–ին հանձնարարված է «2014 թ.–ին ընթացքում դրամավարկային քաղաքականության ոլորտում որոշումներ ընդունելիս օրենքով նախատեսված լիազորությունների շրջանակներում ղեկավարվել գնաճի նպատակային ցուցանիշով 4.0 +/- 1.5 տոկոսային կետ սահմանված թույլատրելի միջանցքի շրջանակներում»։

Ընտանիքում երրորդ կամ չորրորդ երեխայի ծնվելու համար պետական նպաստների չափը 2014 թ.–ի հունվարի 1–ից ավելանալու է' հասնելով 500 հազար դրամի, հայտարարել է ՀՀ աշխատանքի և սոցիալական հարցերի նախարար Արտեմ Ասատրյանը շաբաթ օրը կայացած կառավարության նիստի ժամանակ, որը նվիրված է 2014 թ.–ի պետբյուջեի նախագծի քննարկմանը։

2014թ.–ի բյուջեի նախագծում դրված է Հայաստանի ՀՆԱ–ի 5,2%–անոց իրական աճ, տեղեկացրել է ՀՀ ֆինանսների նախարար Դավիթ Սարգսյանը։ «Անվանական ՀՆԱ–ն կկազմի 4 տրիլիոն 723 մլրդ 700 մլն դրամ», – սեպտեմբերի 28-ին հաջորդ տարվա պետբյուջեի նախագծի քննարկմանը նվիրված ՀՀ կառավարության արտահերթ նիստի ժամանակ ասաց նա։

Կենսաթոշակները Հայաստանում 2014 թվականի հունվարի 1–ից կբարձրանան 15 տոկոսով, իսկ պետական հատվածի աշխատողների աշխատավարձերը' 40 տոկոսով, հայտնեց Հայաստանի վարչապետ Տիգրան Սարգսյանը։

Հայաստանի առաջին եվրապարտատոմսերի թողարկումից ստացված միջոցները կուղղվեն ռուսական կայունացման վարկի մարմանն ու երկրի տնտեսության զարգացմանը, Հայաստանի Հանրային հեռուստատեսության հետ զրույցում ասել է ՀՀ ֆինանսների նախարար Դավիթ Սարգսյանը։

Հայաստանի ներքին պետական պարտքը 2013 թ. սեպտեմբերի 1-ի դրությամբ կազմել է 270 մլրդ դրամ (մոտ 660 մլն դոլար): Այդ մասին տեղեկացնում է ՀՀ ֆինանսների նախարարությունը: Տարեսկզբի համեմատ ներքին պարտքն աճել է մոտ 6,3%-ով կամ մոտ 16 մլրդ դրամով:

ՀՀ կենտրոնական բանկի վերաֆինանսավորման տոկոսադրույքը կմնա 8.5%: Այդ մասին սեպտեմբերի 24-ին որոշում է ընդունել ՀՀ ԿԲ խորհուրդը: Հիշեցնենք, որ անցյալ ամիս ՀՀ ԿԲ-ն վերաֆինանսավորման տոկոսադրույքը բարձրացրել էր միանգամից 0.5 կետով, փորձելով այդ կերպ պայքարել գնաճի դեմ, սակայն գնաճի տեմպը շարունակել է արագանալ՝ հասնելով 9.3%-ի: